Urkunde Nr. 1790 aus Band IV

Seite im UB:

10-11 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 21.

Druckvorlage:

nach Original

Abdruck als:

Volltext

Sprache:

Latein

---

1790

Weissenburg 1416 März 20 Das Weissenburger Kapitel schaltet die Urkunde König Sigmunds von 1415 Nr. »1767 ein und übermittelt dem König die Erklärungen des Rates von Hermannstadt und des Petrus Ceruasii, die diese in Angelegenheit der Ursula Sperrendorffer abgegeben haben.

Serenissimo principi domino Sigismunde dei gratia illustri regi Romanorum semper augusto ac Hungariae et cetera regi, domino eorum gratioso capitulum ecclesiae Transsiluanae orationum suffragia cum perpetua fidelitate literas vestrae sublimitatis honore quo decuit recepimus in haec verba. (Folgt die Urkunde König Sigmunds von 1415 Nr. »1767 für Ursula Sperrendorffer.) Nos enim mandatis vestrae serenitatis obedire cupientes ut tenemur, ad praemissa mandata vestrae sublimitatis fideliter exequenda honorabilem virum dominum Johannem custodem et canonicum ecclesiae nostrae duximus transmittendum. Qui demum exinde ad nos reversus nobis retulit eo modo, quod ipse secunda feria, proxima post dominicam Reminiscere¹⁾ ad civitatem vestrae maiestatis Cybiniensem personaliter accessisset, ibique iudex, iurati seniores aliique cives dictae civitatis vestrae Cybiniensis debita cum obedientia huiusmodi mandato vestrae serenitatis reverenter recepto eoque viso et intellecto, sententiam diffinitivam pro parte praenotatae dominae Ursulae per ipsos latam executionique²⁾ demandatam numquam revocasse nec aliam sententiam facto super eodem, quae huic sententiae repugnare videretur, tulisse neque timore vel odio ducti aut pretio seu favore vel munere allecti eandem nobilem dominam ad restituendum res et bona praedicti Petri Ceruasii concivis ipsorum, iuxta eorum diffinitivam sententiam debitae executioni demandatam, manibus eiusdem dominae Ursulae assignata et usui suo commissa ac ad retractandum contractum per ipsam dominam Ursulam super quadam domo in dicta vestrae maiestatis civitate Cybiniensi sita cum provido Nicolao Jankowitz eorum concive initum et factum compulisse, sed propriam ipsorum sententiam executioni demandatam in suo vigore ac saepe dictam dominam Ursulam rebus et bonis iuridice obtentis frui et gaudere semper permisisse asserentes, iuxta formam praescripti mandati vestrae serenitatis ad praenotatam³⁾ domum ac universa et quaelibet bona per eandem dominam vigore praedictae eorum sententiae executioni demandatae iuste et legi- [S. 11] time obtenta, eandem dominam Ursulam restatuissent et eidem ipsam domum ac universa et quaelibet bona ad eandem pertinentia reassignassent ipsamque in eisdem et praedictum contractum in suo vigore permanere, quondam domini Styborii vaivodae comitisque Piponis praedictorum sententia et aliis quibuscumque rationibus et allegationibus frivolis, iuribus ipsius dominae Vrsulae derogantibus non obstantibus, pacifice reliquissent, referentes copiam praenotatae sententiae domini Styborii¹⁾ vaivodae et comitis Piponis non ipsos, sed praefatum Petrum Ceruasii habuisse et habere. Tandemque ante emanationem huiusmodi literarum nostrarum super praemissa executione praenotati mandati vestrae serenitatis factarum praefatus Petrus Ceruasii ad nostram personaliter veniendo praesentiam retulit, eandem sententiam domini Styborii vaivodae et comitis Piponis coram vestra maiestate personaliter velle exhibere. Datum Albae Yulae, sexta feria proxima ante dominicam Oculi, anno domini millesimo quadringentesimo decimo sexto.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 10, 1 auf S. 11 (dortige 2-3 zu nachfolgender Urkunde).^{^}
[S. 10]
1) 1416 März 16. ^{^}
2) Vorlage: executionemque.^{^}
3) Hierauf: domiam gestrichen.^{^}
[S. 11]
1) Hierauf: domi [Abkürzungsstrich über m] gestrichen.^{^}