Urkunde Nr. 3990 aus Band VII

Seite im UB:

9-10

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 125.

Druckvorlage:

nach Original

Abdruck als:

Volltext

Sprache:

Latein

---

3990

Bartfeld 1474 März 2 König Matthias erläßt den Bistritzern für die Dauer von drei Jahren je 200 Goldgulden von allen Steuern und Abgaben, die zur Stadtbefestigung bestimmt sind.

Von der Kanzlei: De commissione propria domini regis.

Nos Mathias dei gratia rex Hungariae, Bohemiae et cetera significamus tenore praesentium praesentibus et futuris harum notitiam habituris quibus expedit universis, quod nos tum attentis et consideratis fidelitate et fidelibus servitiis fidelium nostrorum prudentum et circumspectorum iudicis et iuratorum ceterorumque civium et inhabitatorum ac totius communitatis civitatis nostrae Bistriciensis per eos primum sacrae coronae tandemque nostrae maiestati in rebus diversis et multis adversitatum et gwerrarum temporibus sub locorum et temporum diversitate exhibitis, tumque sumptuosas expensas ipsorum civium nostrorum, quas iidem in munitione et fortificatione eiusdem civitatis nostrae fecerunt et nichilominus¹⁾ eo respectu, ut praefati cives ex quo ipsa civitas nostra praecise in confiniis et metis regni Moldaviae et faucibus Moldaviensibus adiacere perhibetur, eandem civitatem muro circumquaque praemunire domumque nobis et successoribus nostris regibus et partibus Transsilvanis fidelius de cetero ampliori auxilio et subsidio rerum suarum ac cum personis rebusque et ingeniis ipsorum necessitatum tempore assistere et succurere valeant arque possint, praescriptis civibus nostris et toti communitati de corpore dictae civitatis nostrae existentibus, id gratiosae annuendum duximus et concedendum ut ipsis de omnibus et singulis taxis tam ordinariis quam extraordinariis nostrae maiestati e medio ipsorum qualitercunque provenire debentibus infra revolutionem trium integrorum annorum a die datae praesentium inclusive computandorum ad munitionem et structuram dictae civitatis nostrae singulis annis ducenti florenos auri nostram ad rationem relaxentur et defalcentur. Immo annuimus et concedimus defalcamusque et relaxamus praesentium per vigorem, quocirca vobis fidelibus nostris venerabili Dominico praeposito ecclesiae beati Nicolai confessoris extra murum civitatis nostrae Albensis fundatae nec non administratori proventuum nostrorum regalium partium regni nostri Transsilvanarum praedictarum, cunctis etiam aliis dicatoribus et exactoribus taxarum nostrarum tam ordinariarum quam extraordinariarum ac aliarum quarumcumque solutionum, praesentibus et futuris praesentium notitiam habituris harum serie firmiter praecipiendo mandamus, quatenus habita praesentium notitia, a modo ut praemittitur infra tres integros annos a die datae praesentium inclusive computandos, dumtaxat annotatis iudici et iuratis ceterisque civibus et toti communitati praefatae civitatis nostrae Bistriciensis praesentibus et futuris singulis annis ducentos florenos auri de taxis nosttris regalibus tam ordinariis quam extraordinariis e medio ipsorum, nobis qualitercumque provenire debentibus, nostram ad rationem relaxare remittereque et defalcare modis omnibus debeatis eosque ratione non solutionis huiusmodi ducentorum florenorum auri in personis rebusque et bonis ipsorum quibusvis contra formam praemissae nostrae gratiosae relaxationis impedire, turbare, molestare aut quovismodo damnificare nusquam et [S. 10] nequaquam praesumatis et nec sitis ausi modo aliquali praesentibus annulari sigillo nostro consignatis, perlectis exhibenti restitutis. Datum Barthphae feria quarta proxima post dominicam Invocavit, anno domini millesimo quadringentesimo septuagesimo quarto, regnorum nostrorum anno Hungariae et cetera decimo septimo, Bohemiae vero quinto.

Rechts unten: Lecta.


1) Vorlage nichlominus. ^{^}