Urkunde Nr. 4306 aus Band VII

Seite im UB:

212

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 35.

Druckvorlage:

nach Original

Abdruck als:

Volltext

Sprache:

Latein

---

4306

Hermannstadt 1479 Mai 4 Petrus, Dechant des Hermannstädter Kapitels und sein Notarius Pfarrer Johannes von Neppendorf verzeichnen die in Verwahrung genommenen Kultgeräte von Holzmengen.

Universis et singulis ad quos praesens scriptum devenerit notum sit, quomodo ad voluntatem domini decani admonentis me nomine capituli et ad petionem incolarum ex Holczmengen motus sum ad consignandum bona ecclesiae desertae in Holczmengen, quae bona secundum capituli consuetudinem et ius oblata fuerunt per plebanum et parrochianos villae eiusdem ipsi capitulo propter tutiorem et certiorem bonorum eorundem conservationem. Sic tamen quod si umquam offerret se readificatio villae eiusdem et unus de confratribus capituli pacifice et commodo se ibidem residere possit ad divina officia peragenda ipsa bona e converso atque diminutione et dilatione ecclesiae praefatae restituerentur, quoniam et sic in aliis consuevit fieri ecclesiis desertis. Summa igitur horum bonorum est haec: Primo viaticum inclusum in asserem non depictum, in cuius parte anteriori quaedam excisio facta parvi asseris conclavati ad magnum; item casula cuius color rubeus et fulvus permixtus, cum antiqua aurea cruce apparante omnino rupta usque ad telam flaviam; item manipulus flaveus et antiquus; item stola eiusdem coloris cum casula; item alba cuius fimbria omnino corrupta ante et post flaveum habens; item umbrale auro contextum habens V Coronas; item calix deauratus unacum patena in medio sex habens acies, quarum termini duo depicti sunt fusco, duo colore viridi, duo colore flaveo et colores isti ex opposito se habent, et patene de auratio aliqualiter abstracta est; item missale cuius principuum praeter Kalendarium est rubrum incipiens in vigilia palmarum introitus et in alio folio: ad te levavi; item antifonarium per totum annum, cuius initium praeter Kalendarium est: a diebus antiquis et secundi folii principuum est: deus qui illuminas. Acta autem et recepta sunt haec per egregium virum dominum Petrum, iuris canonici doctorem in Vizackna plebanum nec non almi capituli Cibiniensis decanum, in stuba superiori auditorii eiusdem capituli, praedictae villae videlicet Holczmengen plebano et seniori uno praesentibus. In firmiorem autem huius rei assertionem consignata per me magistrum Johannem plebanum in Eppendorff pro tunc notarium scilicet anno domini 1479 nec non praedicti domini decani sigilli affixione roborata quarto nonas Maii.

Auf der Rückseite von gleicher Hand: Recognitio domini decani et dominorum de capitulo super bonis receptis de ecclesia villae Holczmengen. [S. 213]