Urkunde Nr. 218 aus Band I

Seite im UB:

153-154 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 5.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

218

1287 Juni 23 König Ladislaus IV. verleiht Ofen das Jahrmarktsrecht.

Ladizlaus dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Cumaniae Bulgariaeque rex omnibus Christi fidelibus tam praesentibus quam futuris praesentem literam inspecturis salutem in omnium salvatore. Quoniam regale culmen fastigii celsioris mortali licet divinitus summi potentia praesignitum supra metas genii praeelatum exspergefactum conditionis humanae parentis paterni contagio libertatis a primaevo naturae tamquam beneficio manumissam liberioris arbitrii feliciore sint antidoto, ad utrumlibet perstipatum per angariata iustitia necessitatis exigentia re vera produxit in ortum fortitudini virtuali astrea ipsa iustitia legitime praepollente prout teste iubetur apostolo, omnis anima suis principibus esse subiecta et ducibus missis ab illis non tam praeessendi, quin immo proficiendi potius subiectis patricinio divinitus ad instar super caelestis usiae primae et ultimae suis ordinibus et obsequiis limitatae expedientius mancipatis quibus naturae artificio doctioris etiam in sensu carentibus verisimilia paradigmata concluduntur, dum in apibus unus princeps statuitur, qui mero prorsus¹⁾ imperio praeditus ceteris sui generis antefertur verum lautiore fortunae vernantis a plausu divini libra consilii cum singulis non competeret generum sigillatim, cum inter principem praesidentem et subiectos esse debeat distinctio personalis, fulgentia regum erexit solia certis commissa personis realius suos in posteros propaganda mirifico gratificationis suae modo occultorem iudicio taliter in ipsorum regum mundique principum diversorum propaginem peculiarius derivata, quibus ipsis partiendam talentum iustitiae autumnandum fore creditur certa lege, ut bonos et fideles productiorem ad spem demulceat rediviva largitio praemiorum malos vero principalis dextrae vibratilis suis compar demeritis ultor gladius persecatur. Hinc est quod cum Budensium civium nostrorum universitas²⁾ indefesse semper fidei virore viguerit illibatae regiis nostris obsequiis studiosius obsecundans quam in ipsis elegantius augere cupimus et intendi votivis ipsorum beneplacitis principalis [S. 154] gratiae munificentiis occurrentes, nundinas seu ferias ac congregationem fori annui initiandi per spatium octo dierum ante festum dedicationis ecclesiae beati Johannis evangelistae^b), quod die dominico proximo subsequenti post festum nativitatis virginis gloriosae assolet celebrari necnon post ipsum dedicationis diem similiter ad octavam concessimus perpetuo et irrefragabiliter obtinendam annis singulis pacifice celebrandam literam omnino et exemptam a iurisdictione regni nostri palatini, qui regia de gratia pro tempore fuerit illius in fascibus dignitatis, aliorumque omnium universaliter nostrorum regni magnatum et baronum et specialiter magistri tavernicorum nostrorum ac iudicis curiae nostrae imperiosa iurisdictione qualibet in eisdem sibi nundinis, foro, congregatione generali seu feriis prorsus per omnia denegata, ipsius tantummodo Budensis nostri castri iudicis potentiae seu iudicio reservatam. De telonio¹⁾ etiam seu tributo tam per vias terrestres seu aquaticas accedentibus ultro citroque²⁾ videlicet per villam Pesth venientibus vel passim undecumque vel de quibuscumque regionibus occurrerint ubicumque in territorio seu metis ipsius civitatis ad congregationem saepe dictam, dictas nundinas, forum, generalem congregationem seu ferias illas eis esse volumus per omnia liberas et ab omni exactione tributi exemptas, ut nihil ab ipsis penitus exigi valeat census novi per quempiam vel imponi in ipsa dumtaxat fori nundinalis area, dum mercantur. Praeterea volumus, quod si quae literae quovismodo habitae et obtentae contra eosdem cives nostros et contra donationem huiusmodi ipsis per nos factam per quempiam quovis tempore exhiberentur, cassae sint et inanes et viribus penitus cariturae. Ut igitur huius nostrae donationis series robur perpetuae obtineat firmitatis nec processu temporum valeat retractari, praesentes ipsis fidelibus civibus nostris concessimus literas duplicis sigilli nostri munimine roboratas. Datum per manus discreti viri magistri Theodori praepositi Scebeniensis, sanctae Albensis ecclesiae electi, aulae nostrae vicecancellarii dilecti et fidelis nostri, anno domini M. CC. octoagesimo septimo, nono Kalendas Julii, indictione quindecima, regni autem nostri anno sedecimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 153 und 1-2 auf S. 154.^{^}
b) Nachtrag UB I 619: = 20. bis einschliesslich 26. Dezember.^{^}
[S. 153]
1) Vorlage: prossus.^{^}
2) Vorlage: universitatis.^{^}
[S. 154]
1) Vorlage: teulonio.^{^}
2) Vorlage hierauf: ultra.^{^}