Urkunde Nr. 4586 aus Band VII

Seite im UB:

383

Heute in:

Bukarest, Staatsarchiv [Arhivelor Naţionale ale Romȃniei, București]

Heutige Signatur:

Sammlung Dokumente mit Siegeln (Colecţia Peceţi) II, 321

Druckvorlage:

nach Original

Abdruck als:

Volltext

Sprache:

Latein

---

4586

Hermannstadt 1485 Februar 4 Die Sieben Stühle sprechen die Einkünfte aus der Goldwäscherei im Piener Bach der Gemeinde Deutsch-Pien zu.

Nos magistri civium, iudices et iurati seniores¹⁾ universique iustitiarii septem sedium Saxonicalium partium Transsilvanarum memoriae commendamus tenore praesentium significantes quibus expedit universis, praesentibus et futuris, quod cum nos die datarum praesentium pro rebus publicis determinandis in nostra iudiciaria sessione pariter consedissemus, comparuerunt coram nobis honorabiles et circumspecti viri dominus Petrus plebanus, Mathias Hentzel villicus et Johannes Tengel iuratus nomine et in persona totius communitatis de Pyen Saxonicali sedis Mwllembach per modum querelae proponentes eo modo. Quod cum ipsi in quodam decursu aquae territorii eorum certam lavaturam seu fodinam auri habuissent ita, ut proventus ex ipsa proveniens vulgo urber dictus praedicti inhabitatores ecclesiae eorum in honorem beati Jacobi apostoli fundatae appropriare et pro augmento eiusdem iure antiquo assignare deberent. Tamen quia iudices et iurati cives civitatis Mwllembach huismodi proventus a praedicta ecclesia aufferre et in commodum ipsorum ipsisque minus iuste et indebite usurpare volentes in ipsius ecclesiae praeiudicium et destitutionem manifestum. Supplicantes nobis exinde praedicti dominus Petrus, Mathias Hentzel et Johannes Thengel, quatenus praedictam ecclesiam privilegio et ipsius proventibus urber dictis minus iuste privari non permitteremus. Unde nos iustis atque legitimis petitionibus inclinati harum serie declaramus, quod amodo et deinceps nullus iudicum seu inhabitatorum de dicta Mwllembach huismodi proventus urber dictos in praedicto decursu aquae territorii Pyen tam videlicet regii quam etiam per easdem empti recipere, exigere seu recipi et exigi facere amplius debeat vel audeat modo aliquali, sed potius praenominata communitas de Pyen Saxonicali tamquam proprium eorum huiusmodi proventus urber vocatos levandi, percipiendi et in usum ecclesiae ipsorum tantummodo et in nullum alium convertendi liberam habeant facultatem, hac sententia nostra diffinitiva mediante. In cuius rei evidentiam praesentes literas nostras patentes sigillo nostro provinciali minori et autentico subappenso consignatas praedictis inhabitatoribus de Pyen Saxonicali eorumque posteritatibus ad cautelam duximus con[cedendas. Datum] ²⁾ Cibinii feria sexta proxima post festum purificationis virginis Mariae, anno domini millesimo quadringentesim[o octuagesimo] ³⁾ quinto.

Auf der Rückseite von einer Hand um. 1800: 1485.


1) Vorlage senior. ^{^}
2) Lücke 37 mm.^{^}
3) Lücke 41 mm. ^{^}