Urkunde Nr. 4660 aus Band VII

Seite im UB:

448-449

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Abt. I. ba (Stenner, Series latina), Nr. 30.

Druckvorlage:

nach Abschrift

Abdruck als:

Volltext

Sprache:

Latein

---

4660

Thorenburg 1486 September 1 Martin Tharczay, Salzkammergraf von Siebenbürgen, fordert den Hermannstädter Bürgermeister Thomas Altemberger auf, u.a. die Besitzungen der Kerzer Abtei nicht im Rahmen der Sieben Stühle zu besteuern, sondern die Steuer gesondert abzuführen.

Egregie amice nobis honorande. Scripseratis nobis superioribus diebus, quomodo nos certas possessiones ad septem sedes pertinentes dicari fecissemus. Sciatis nullas pertinentias ipsarum sedium sed aliquas possessiones episcopales et abbatiae de Kyrcz, quarum nomina in registro praesentibus incluso continentur, dicatas esse, quas ut didicimus, vos ad easdem septem sedes annectere, nec de eisdem praesentem contributionem solvere praetenderetis. [S. 449] Cum tamen de eisdem possessionibus contributio regia semper hucusque huc exacta fuit, sciat igitur egregietas vestra, nos in hac parte per regiam maiestatem sufficienter informatum esse, ut eandem contributionem ex ipsis possessionibus penitus exigamus et vor rogamus nichilominusque requirimus, ne id aut surditate aliqua pertransire, aut facultatem quampiam facere, sed pecunias ipsarum possessionum plenarie huc destinare et exsolvi facere velitis. Alioquin ad illas more solito non tarde spoliatores seu depraedatores dirigemus. Ex Thorda feria sexta post decollationis Johannis 1486.

Martinus Tharczay, comes camerarum salium Transsiluanarum et cetera.

Adresse: Egregio Thomae Altemperger magistro civium civitatis Cibiniensis, amico nobis honorando.