Urkunde Nr. 4665 aus Band VII

Seite im UB:

452-454^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 36.

Druckvorlage:

nach Abschrift

Abdruck als:

Volltext

Sprache:

Latein

---

4665

(Vor 1486 September 16) Die Pfarrer Michael Michaelis von Heltau und Michael Henningk von Rothberg teilen dem Bischof Ladislaus Gereb mit, dass sie in dem Streit zwischen dem Hermannstädter Kapitel und der Weissenburger Kirche um die Insignien des Moldauer Bischofs an Papst Innozenz VIII. appellieren. [S. 453]

Coram vobis reverendissimo patre et domino Ladislauo Greeb dei et apostolicae sedis gratia episcopo ecclesiae Albensis Transsilvanae ac in omnibus regnis et terris atque locis temporali dominio serenissimi principis et domini domini Mathiae eadem dei gratia regis Hungariae, Bohemiae et cetera subiectis cum potestate legati de latere dictae sedis legato et coram vobis domino notario et testibus hic praesentibus videlicet n. et n. et n. Ego Michael Michaelis de Castroschees in Helta plebanus unacum Michaele Henninck de Helta in Ruffomonte plebane principales in causa mota inter honorabiles dominos Gregorium cantorem et Michaelem custodem ecclesiae Albensis Transsilvanae praedictae una ex parte et honorabilem dominum Petrum artium et canonum doctorem in Stolczmburg plebanum decanum capituli Cibiniensis caeterosque eiusdem honorabilis capituli patres et dominos ac illis¹⁾ divisim et coniunctim adhaerentes parte ex altera ratione quorundam paramentorum pontificalium. condam domini Petri episcopi Moldaviensis sceptri videlicet et infule principaliter nec non aliquorum aliorum ad tale officium pontificale exercendum pertinentes nomine praedicti domini Petri decani Cibiniensis ac aliorum singulorum eiusdem capituli fratrum non minus reliquorum sibi coniunctim et divisim adhaerentium animo appellandi propono et dico quod licet in causa praedicta quae inter praefatos dominos Gregorium cantorem et Michaelem custodem nomine ecclesiae praedictae Albensis Transsilvanae parte ex una et dictum dominum Petrum decanum Cibiniensem ac eiusdem capituli fratres aliosque sibi ut praemissum et adhaerentes parte ex altera vertitur coram vobis domino reverendissimo Ladislauo ecclesiae Albensis Transsilvanae episcopo et cum potestate legati de latere legato exceptionem privilegii de prima instantia in praedicto decanatu celebrandam proposuerim et eam instanter saepe et saepius admitti et secundum contenta eiusdem privilegii atque exceptionis pronuntiari²⁾ petiverim vos tamen reverendissime pater et domine Ladislae Greeb et cetera huiusmodi exceptione legittima spreta atque contemta eandem repellere saltem et ad alios actus ulteriores et exceptioni nostrae legittime oppositae processistis contrarius (vel per vestram quam interlocutoriam tulistis minus iuste sententiam repulistis) vel in causa huiusmodi per talem vestram comminationem (vel actum quemcumque nos indebite agravastis) unde ab illa interlocutoria non recta imo iniusta seu a praedictae exceptionis non admissione (vel tacita repulsione) vel comminatione (sine praecepto vel mandato tamquam ab iniquo et minus iusto gravamine) in hiis scriptis ad sanctam sedem apostolicam et sanctissimum in Christo patrem dominum nostrum dominum Innocencium divina providentia papam³⁾ provocamus et appellamus et apostolos a reverendissima vestra paternitate primo, secundo et tertio instanter, instantius et instantissime nobis dari petimus subiicientes praedictum dominum Petrum decanum Cibiniensem unacum suis eiusdem capituli fratribus ac aliis sibi et illis coniunctim et divisim adhaerentibus protectioni domini papae et sedis apostolicae praedictis et de corrigendi emendandi vel huiusmodi apellationem innovandi si necesse fuerit notario vobis et testibus coram protestamur et eiandem prosequi ac intimare volentes prout videbitur expedire. Item appellatione iamfacta dicent ad notarium publicum: Domine notarie nos petimus et requirimus vos, ut super hiis rebus iam factis velitis nobis facere seu conficere appellationis huius unum vel plura instrumentum vel instrumenta et id instrumentum consuevit incipi in nomine domini amen. [S. 454] Anno a nativitate eiusdem millesimo et cetera coram tali iudice in mei notarii publici subscripti et cetera et in tali postea inseretur illa appellatio cum aliis requisitis et necessariis prout consueverunt facere notarii.


a) Seitenumbruch nach Kopfregest.^{^}

1) Hierauf adherentur gestrichen.^{^}
2) Vorlage pronuncciari. für die Ordnungszahl des Papstes.^{^}
3) Hierauf ein 14 mm breiter freier Raum.^{^}