Urkunde Nr. 2301 aus Band V

Seite im UB:

1-2

Druckvorlage:

nach Original

Abdruck als:

Volltext

Sprache:

Latein

---

2301

Ofen 1438 Januar 27 König Albrecht verbietet allen Zolleinnehmern in Ungarn und Siebenbürgen, von den Kaufleuten aus Hermannstadt, Mühlbach und allen übrigen Ortschaften auf dem Gebiet der Sieben Stühle Zölle einzuheben.

Von der Kanzlei: Ad contenta literarum condam domini imperatoris et regis.

Albertus dei gratia rex Hungariae, Dalmaciae, Croaciae etcetera Austriaeque et Stiriae dux necnon marchio Morauiae etcetera fidelibus nostris universis et singulis tributariis et vicetributariis tam nostris regalibus et reginalibus quam aliorum quorumcumque in terris scilicet et super aquis in regno nostro Hungariae et in partibus Transsilvanis ubilibet constitutis et existentibus praesentium notitiam habituris salutem et gratiam. Exponitur nobis pro parte universorum et singulorum Saxonum civium, hospitum, mercatorum et incolarum tam Cibiniensis et Zazsebes quam aliarum civitatum, oppidorum et villarum septem sedium Saxonicalium partium nostrarum Transsilvanarum praedict arum gravi cum querela, quod licet ipsi et eorum quilibet vigore efficacissimarum literarum et literalium instrumentorum per divos reges Hungariae et praesertim Geysam, Andream, Karolum et Lodwicum¹⁾ reges nostros scilicet praedecessores eis gratiose datarumet concessarum et per condam serenissimum principem dominum et patrem nostrum dominum Sigismundum Romanorum imperatorem semper augustum ac Hungariae etcetera regem felicis memoriae confirmatarum ab omni tributaria solutione de rebus tam mercimonialibus quam aliis quibuscumque in locis iamfatorum tributorum facienda exemti sint et supportati. Tamen vos et nonnulli ex vobis nescitur quo motivo ducti in locis praedictorum tributorum a praedictis mercatoribus septem sedium Saxonicalium nostrorum ac rebus et bonis eorum contra praefatas eorum libertates et praerogativas tributum et solutiones tributarias plerisque vicibus exegissetis et exigeretis incessanter inipsorum libertatis et praerogativae praeiudicium et derogamen satis grande. Unde nos praedictos exponentes eorum libertatibus et praerogativis saepedictis illibate et inviolabiliter uti, frui et potiri volentes vestrae et cuiuslibet vestrum fidelitati firmissime praecipimus et aliud habere nolentes mandamus, quatenus alio nostro mandato exinde non expectato amodo inantea a civibus, hospitibus, incolis et mercatoribus praetactae civitatis nostrae Zazsebes aut altero eorundem rebusque et bonis eorum²⁾ tam mercimonialibus quam aliis quibuscumque contra formam praemissae eorum libertatis et praerogativae nullum tributum nullamque tributariam solutionem petere et exigere petique et exigi facere praesumatis et nec sitis ausi modo aliquali. Alioquin commisimus et harum serie districte commitimus fidelibus nostris comitibus vel vicecomitibus illorum comitatuum in quibus huiusmodi nostra mandata non observarentur, ut ipsi transgressores huiusmodi mandatorum nostrorum ad plenariam observationem eorundem artius compellant et astringant auctoritate nostra ipsis praesentibus in hac parte attributa et iustitia mediante. Aliud ergo sub obtenta nostrae gratiae nullomodo facere praesumatis. Praesentes quoque³⁾ post earum lecturam semper reddi iubemus praesentanti. Datum Budae feria secunda proxima post festum conversionis beati Pauli apostoli, anno domini M<sup>o>/hoch> CCCCo>/hoch> XXX octavo.

Unter dem Siegel: Ad contenta literarum condam domini imperatoris et regis.

Auf der Rückseite von der Kanzlei: Saxonum f. XII. [S. 3]


1) Zweites Original Lodouicum.^
2) Zweites Original ipsorum.^
3) Ebenda etiam.^</sup>