Urkunde Nr. 2310 aus Band V

Seite im UB:

8-9

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 86.

Druckvorlage:

nach Original

Abdruck als:

Volltext

Sprache:

Latein

---

2310

Wien 1438 April 28 König Albrecht verbietet den Kastellanen der Törzburg, von den aus der Walachei nach Kronstadt handelnden Rumänen ungebührliche [S. 9] Zölle anzuheben, da sonst die Kronstädter Kaufleute in der Walachei derselben Behandlung ausgesetzt sind.

Von der Kanzlei: Commissio propria domini regis ex deliberatione consiliariorum suorum Hungariae facta.

Albertus dei gratia rex Hungariae, Dalmaciae, Croaciae etcetera Austriaeque et Stiriae dux nec non marchio Morauiae, fidelibus nostris castellanis et vicecastellanis castri nostri Therch vocati necnon tributariis seu vicetributariis in tributis ad idem castrum nostrum spectantibus constitutis praesentes visuris salutem et gratiam. Pro parte universorum civium, hospitum et populorum nostrae civitatis Brassouiensis et terrae nostrae Barcensis celsitudini nostrae exponitur querulose, quomodo vos postposita et semota vera consuetudine in exactione tributaria in praetactis tributis observari debenti a singulis Volachis de partibus Transalpinis ad dictam civitatem et terram nostras cum eorum rebus et bonis venientibus¹⁾ superfluam, indebitamque et iniustam tributi solutionem exigeretis seu exigi faceretis, propter quod et ipsi cives nostri ac mercatores Brassouienses et dictae terrae nostrae Barcensis dum ad ipsas partes nostras Transalpinas pro victuum eorum acquisitione cum ipsorum rebus et bonis procedentes eos pervenire contingeret, partibus in eisdem modo simili per superflui tributi solutionem plurimum et per maxime impedirentur et damnificarentur in ipsorum praeudicium et damnum manifestum. Undenos huiusmodi indebitae solutionis tributariae exactionem, potissime ne praenotati cives et mercatores nostri propterea quoquo modo impediantur aut damnificentur in tributis nostris praenotatis, de cetero nullatenus fieri debere volentes fidelitati vestrae firmissime praecipientes mandamus, quatenus a modo et deinceps a quibusvis mercatoribus Volachisque seu viatoribus de dictis partibus nostris Transalpinis eundo et ad easdem undecumque redeundo ad loca praetactorum tributorum perveniendo eorumque rebus et bonis quamcumque superfluam et iniustam tributi solutionem petere seu exigere petique seu exigi facere nullatenus praesumatis nec sitis ausi modo aliquali, agentes taliter in hac parte, quod praetacti cives et mercatores nostri Brassouienses et terrae nostrae Barcensis propter huiusmodi indebiti tributi exactionem in posterum in dictis partibus Transalpinis necquaquam molestentur. Et secus pro nostra gratia facere non ausuri. Praesentibus perlectis exhibenti restitutis, quas propter absentiam sigilii nostri, quo ut rex Hungariae utimur, sigillo nostro ducali fecimus consignari. Datum Wiennae secundo die festi beati Marci evangelistae, anno domini millesimo quadringentesimo tricesimo octavo.


1) Über der Zeile nachgetragen.^{^}