Urkunde Nr. 2492 aus Band V

Seite im UB:

136

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 99a.

Druckvorlage:

nach Original

Abdruck als:

Volltext

Sprache:

Latein

---

2492

Thorenburg 1444 Mai 25 Der siebenbürgische Woiwode Johannes von Hunyad beauftragt den Richter des Szeklerstuhles Kézdi, dem Kronstädter Bürger Martin, welchem Dominik von Cernatu 23 Ochsen weggenommen hat, Genugtuung zu verschaffen.

Johannes de Hwnyad, vaivoda Transsiluanus Siculorumque et Themesiensis comes et cetera agilibus viris iudici ac capitaneo necnon senioribus sedis Kysdi salutem cum dilectione. Dicit nobis providus Martinus de Brassouia gravi cum querela, quomodo Dominicus filius Emerici de Chornatha temporibus praeteritis viginti tres boves ipsius Martini indebite et minus iuste abstulisset et quo suae placuisset voluntati fecisset in praeiudicium et damnum ipsius Martini valde magnum. Super quo dilectioni vestrae serie praesentium firmiter committimus, quatenus habitis praesentibus exparte dicti Dominici filii Emerici antefato Martino exponenti de et super dictis viginti tribus bobus meram, plenam et omnimodam impendatis satisfactionem taliter et adeo, ut ipse exponens nobis superinde de cetero non cogatur querulari. Qui si feceritis bene quidem, alioquin committimus firmiter per praesentes circumspectis iudici et iuratis civibus dictae civitatis Brassouiensis, ut ipsi antefato Martino eorum concivi de et super dictis viginti tribus bobus ex parte antefati Dominici filii Emerici omnimodam recipiant satisfactionem nostra in persona et auctoritate praesentibus eis in hac parte attributa mediante. Secus igitur facere non ausuri. Praesentibus perlectis exhibenti restitutis. Datum Thordae in festo beati Urbani papae, anno domini M^o CCCC^o XLIII^to. [S. 137]