Urkunde Nr. 2493 aus Band V

Seite im UB:

137

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 100.

Druckvorlage:

nach Original

Abdruck als:

Volltext

Sprache:

Latein

---

2493

Thorenburg 1444 Mai 25 Der siebenbürgische Woiwode Johannes von Hunyad teilt den Untergrafen der Szekler mit, dass auf dem letzten Ofener Reichstag alle Schenkungen an Adlige widerrufen worden sind, die der König über Besitzungen von Stadt und Distrikt Kronstadt verfügt hat, und ersucht sie, die Bewohner des Burzenlandes in ihren Rechten auf diese Besitzungen zu schirmen.

Johannes de Hwnyad, vaivoda Transsiluanus Siculorumque et Themesiensis comes et cetera egregiis viris Gregorio de Bethlen et Nicolao de Emeke vicecomitibus Siculorum salutem cum favore. Exponunt nobis circumspecti iudex, iurati ceterique cives et seniores civitatis Brassouiensis et totius terrae Barcza graviter conquerentes, quomodo nonnulli forent nobiles, qui certas possessiones ad ipsam civitatem Brassouiensem et terram Barcza pertinentes a regia celsitudine pro se ipsis in perpetuum impetrassent seque vigore huiusmodi literarum donationalium in dominium ipsarum possessionum introducere et easdem sibi ipsis appropriare niterentur, aliqui vero ex ipsis iam de facto se in dominium ipsarum possessionum per eos a dicta regia maiestate impetratarum intromisissent. Et quia serenissimus dominus noster rex praedictus veridicis ex relatibus nonnullorum proborum et nobilium virorum in eo, ut omnes tales impetratae possessiones a divorum regum temporibus ad dictam Brassouiam et terram Barcza pertinuissent expertus et informatus extitit, ideo universas tales donationes per eum factas nuper Budae in congregatione generali praelatorum et baronum ac regnicolarum celebrata revocavit et literas exinde confectas cassavit ob hocque et nos omnes tales donationes revocamus et cassamus viribusque carituras declaramus. Eapropter vestris dilectionibus harum serie firmiter committimus et nec aliud habere volentes mandamus, quatenus receptis praesentibus nullipiam hominum aliquas possessiones ad dictam Brassouiam et terram Barcza pertinentes per ipsos a regio culmine ut praefertur impetratas occupare aut se in dominium earundem intromittere praesumatis. Immo volumus, ut etiam omnes tales, qui se aliquo quaesito colore in dominium aliquarum possessionum ad praetactam Brassouiam et terram Barcza spectantium iam de facto intromisissent ab eis occupare et ad ipsam Brassouiam ac terram Barcza annectere debeatis ipsosque iudices, iuratos et seniores in eisdem more antiquitus consueto protegatis tueamini et defendatis nostra in persona et auctoritate praesentibus vobis in hac parte attributa mediante. Et hoc idem iniungimus futuris nostris vicecomitibus sed et magnifici domini Nicolai vaivodae et cetera aliis etiam quibusvis subditis nostris¹⁾ inviolabiliter et inconcusse observare. Praesentibus perlectis exhibenti semper restitutis. Datum Thordae in festo beati Urbani papae, anno domini M^o CCCC^o XLIIII^to.

Von der Kanzlei: Commissio propria domini vaivodae.

Auf der Rückseite von der Kanzlei: Brassouienses. [S. 138]


1) Hierauf prae getilgt.^{^}