Urkunde Nr. 28 aus Band I

Seite im UB:

16-17

Heute in:

Berlin, Geheimes Staatsarchiv Preußischer Kulturbesitz

Heutige Signatur:

XX. HA (Hist. StA Königsberg), Pergamenturkunden, Schieblade I Nr. 5.

Druckvorlage:

nach Original

Abdruck als:

Volltext

Sprache:

Latein

---

28

Rom im Lateran [1218] April 19 Papst Honorius III. bestätigt die Urkunde des siebenbürgischen Bischofs Wilhelm Nr. »27 von 1213 für den deutschen Orden.

Honorius episcopus servus servorum dei dilectus filiis magistro et fratribus hospitalis sanctae Mariae Teutonicorum Jerosolimitani salutem et apostolicam benedictionem. Cum a nobis petitur quod iustum est et honestum tam vigor aequitatis quam ordo exigit rationis, ut id per sollicitudinem [S. 17] officii nostri ad debitum perducatur effectum. Cum igitur venerabilis frater noster Wilhelmus Vltrasiluanus episcopus considerans pericula et labores, quos terram de Burza vacuam et inhabitatam vobis a carissimo in Christo filio nostro Andrea rege Vngarorum illustri, ad cuius dominium pertinere dignoscitur, regia libertate ¹⁾ collatam, defendendo a paganorum incursibus sustinetis, decimas ipsins terrae ab eius incolis tam futuris quam praesentibus exsolvendas, necnon et ecclesias aedificandas ibidem domui vestrae de consensu capituli sui concesserit, decimis Vngarorum et Siculorum, si eos ad dictam terram transire contingeret, et praesentatione a vobis de presbyteris instituendis in ipsis ecclesiis facienda, necnon iurisdictione causarum criminalium, quae ad destitutionem pertinent sacerdotum, procuratione quoque iuxta formam canonicam moderata, si eum ad partes illas venire contingeret, sibi ac suis successoribus reservatis, nos vestris iustis precibus inclinati, concessionem ipsam, sicut pie ac provide facta est et in ipsius episcopi literis super hoc factis plenius continetur, auctoritate apostolica confirmamus et praesentis scripti patrocinio communimus. Quarum tenorem ad maiorem firmitatem iussimus de verbo ad verbum praesentibus annotari. (Folgt die Urkunde Bischofs Wilhelm betreffend den deutschen Orden im Burzenland von 1213 Nr. »27.) Nulli ergo omnino hominum liceat hanc paginam nostrae confirmationis infringere vel ei ausu temerario contraire. Si quis autem hoc attentare praesumpserit, indignationem omhipotentis dei et beatorum Petri et Pauli apostolorum eius se noverit incursurum. Datum Laterani, XIII. Kalendas Maii, pontüicatus nostri anno secundo.
Auf dem Umbug: Sca.


a) Ergänzt nach Zimmermann. Dort erfolgt eine eingehende Kollationierung beider Überlieferungen.^{^}

1) Theiner nach dem Register Vatikan. Arch.: liberalitate. ^{^}