Urkunde Nr. 2551 aus Band V

Seite im UB:

176-177

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Original

Abdruck als:

Volltext

Sprache:

Latein

---

2551

Hermannstadt 1446 September 20 Der öffentliche Notar Urbanus Petri von Steinau beglaubigt die Urkunden Ludwig I. von 1373 Nr. »998 mit der des Woiwoden Stephan von 1373 Nr. »997, enthaltend die Urkunde des Vizewoiwoden Johannes von 1372 Nr. »978 mit der Urkunde des Konventes von Kolozsmonostor von 1372 Nr. »990 und der des Vizewoiwoden Johannes von 1372 Nr. »988, die Besitzung Törnen betreffend.

In nomine domini amen¹⁾ anno nativitatis eiusdem millesimo quadringentesimo quadragesimo sexto, indictione nona, die vero Lunae, vigesima mensis Septembris, hora tertiarum vel quasi, pontificatus sanctissimi in Christo patris et domini nostri domini Eugenii divina providentia papae quarti anno eius sedecimo, in stuba superiori et murata habitationis mei notarii publici subscripti oppidi Cibiniensis, Strigoniensis iurisdictionis, testiumque subscript orum in praesentia constitutus personaliter nobilis Thomas suo ac suorum fratrum nominibus videlicet Simonis et Johannis quondam comitis Nicolai de Noua villa nepotes, literas regales subscriptas mihi notario publico ut praefertur subscripto tradidit transumendas, supplicans mihi debita cum instantia quatenus easdem de verbo ad verbum transumere dignarer transsumptumque earundem sibi traderem ad cautelam quarum tenor is est. (Folgt die Urkunde König Ludwigs I. von 1373 Nr. »998 mit der der Woiwoden Stephan von 1373 Nr. »997 enthaltend die Urkunde des Vizewoiwoden Johannes von 1372 Nr. »978 mit der des Koloszmonostorer Konventes von 1372 Nr. »990 und der des Vizewoiwoden Johannes von 1372 Nr. »988). Ego vero notarius publicus¹⁾ infrascriptus praescriptas literas regales sigilii duplicis²⁾ sub impensione, roboratas, non viciatas non suspectas, sed per omnia sanas et illaesas reppero, easque de verbo ad verbum transscripsi, transscriptumque earundem annotato Thomae assignavi praesentibus ibidem circumspectis viris Augustino aurifabro et Petro [S. 177] Czap carnifice oppidi Cibiniensis praedicti iuratis civibus testibus ad praemissa vocatis et rogatis.

Notarzeichen.
Et ego Urbanus Petri de Stynavia clericus Wratislauiensis diocesis publicus sacris papali ac imperiali auctoritatibus notarius approbatus quia praemissis omnibus et singulis videlicet privilegiorum praescriptorum transsumptum petitioni, dationi et cetera dum sic ut praemittitur fierent et agerentur unacum praescriptis testibus praesens fui, eaque omnia et singula sic fieri vidi et audivi, ideo hoc praesens publicum transsumpti instrumentum per alium fideliter scriptum exinde confeci, me hic propria manu subscripsi et publicavi, et in hanc formam publicam redegi, quam signo et nomine meis solitis et consvetis roborando consignavi in fidem et testimonium omnium praemissorum.


1) In verlängerter Schrift. [2x]^{^}
2) Vorlage duplici. ^{^}