Urkunde Nr. 2591 aus Band V
- Seite im UB:
- 204-205
- Heute in:
- Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]
- Heutige Signatur:
- Bischofsurkunden [Colecţia de documente episcopale] (Inventar 1), Nr. 21.
- Druckvorlage:
- nach Original
- Abdruck als:
- Volltext
- Sprache:
- Latein
2591
Rom 1447 Juni 30 Papst Nikolaus V. bestätigt für die Gesamtheit der Sachsen in Siebenbürgen die Urkunde des Kardinals Alfons, Bischof von Valencia von 1447 Nr. »2578, über die Rechte und Freiheiten der Weltgeistlichkeit. Orig. Perg. Arh. St. Sibiu B. U. 21. Bleibulle an rosa-gelber Seidenschnur angehängt. Derselbe Stempel wie Nr.
»2581.
Druck: Benkő, Milkovia (
») I, 248.
Die Urkunde weist sehr grosse Brandlücken auf. Die Textwiedergabe erfolgt nach der Abschrift des späten 18. Jh. s, Batthyaneum Alba Iulia, Bibliothek d. Sieb. Domkapitels, Excerpta cap. Albensis Trans. 2, 103.
Nicolaus episcopus servus servorum dei ad sempiternam rei memoriam. Ad onus apostolicae servitutis superna dispositione vocati ambiguitates potissime ex quibus personis quibusvis praesertim nobis et apostolicae sedi devotis dispendiorum ac perplexitatum congeries suboriri timetur, sequestrare cupimus, ut illarum propagatis laqueis personis eisdem gravius pro tempore resultet detrimentum. Nuper siquidem pro parte dilectorum filiorum magistri civium ac iudicum et universitatis Saxonum partium Transsilvanarum nobis expositum quod dudum in illis partibus et apud eos nonnulla dubia exorta fuerant , quae cum scandala, lites atque discordias verisimiliter afferre poterant, prout etiam experientia teste didicerant attulisse, pro eorum parte atque quiete per nos et sedem apostolicam cuius est interpretari, decernere et declarare iuxta canonicas sanctiones ac legalia instituta submoveri de medio ac decerni et declarari super eis iustitia mediante humiliter postularunt. Nos honestis eorum votis favorabiliter annuentes dilecto filio nostro Alfonso titulo sanctorum quatuor coronatorum presbitero cardinali commisimus, quatenus eadem infrascripta dubia graviter examinaret accurateque discuteret illisque prout iuris foret responderet. Cuius quidem commissionis vigore cardinalis praefatus ad id tota mense intendens, visis ac diligenter examinatis dubiis huiusmodi sibi traditis respondit, prout inferius est insertum. Nos igitur inspectis responsionibus et solutionibus cardinalis praedicti, repertoque quod iuri et aequitati conveniunt, illas iuri consonas esse auctoritate apostolica decernimus per praesentes. Tenor vero dubiorum ac responsium seu solutionum huiusmodi sequitur et est talis:
(Folgt die Urkunde des Kardinal Alfons von 1447 Nr. »2578). Nulli ergo omnino hominum liceat hanc paginam nostrae declarationis et decreti infringere vel ei ausu temerario contraire. Si quis autem hoc attemtare praesumpserit, indignationem omnipotentis dei et beatorum Petri et [S. 205] Pauli apostolorum eius se noverit incursorum. Datum Romae apud sanctum Petrum, anno incarnationis dominicae millesimo quadring (entesimo quadragesimo septimo, pridie calendas Iulii), pontificatus nostri anno (primo).