Urkunde Nr. 2613 aus Band V

Seite im UB:

223

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 15.

Druckvorlage:

nach Original

Abdruck als:

Volltext

Sprache:

Latein

---

2613

Kronstadt um 1447 Dezember 4 Der erzbischöfliche Visitator Thomas Armenus beglaubigt die Urkunde des Burzenländer Dekans Antonius von 1447 Nr. »2596 über einen Schuldvertrag zwischen Peter, dem Kaplan der Kronstädter Martinskapelle, und dem Notar Nikolaus Thoscha, und lässt sie auch vom öffentlichen Notar Benedikt von Hathalom bezeugen.

Nos Thomas Armenus, licentiatus in decretis, praepositus collegiatae ecclesiae sancti Georgii martyris de virido campo Strigoniensis ac canonicus almae ecclesiae Strigoniensis, per reverendissimum in Christo patrem et dominum Dionysium miseratione divina tituli sancti Ciriaci in thermis sanctae Romanae ecclesiae presbiterum cardinalem, archiepiscopum Strigoniensem locique eiusdem comitem perpetuum primatem et apostolicae sedis legatum natum, in Cibiniensi et Brassouiensi partium Transsiluanarum iurisdictioni almae ecclesiae Strigoniensi subiectis visitator iudexque et causarum auditor necnon in diocesi et provincia Strigoniensi aliisque terris iurisdictioni praedictae Strigoniensis ecclesiae subiectis inquisitor hereticae pravitatis generaliter et specialiter deputatus memoriae commendamus tenore praesentium significamus quibus expedit universis, quod cum nos in generali audientia sedis Brassouiensis pro moderativo faciendo iudicio sedissemus nostri in praesentia facietenus veniens providus vir Nicolaus Thoscha notarius publicus, inhabitator, concivis et inquilinus civitatis dictae Brassouiensis per modum protestationis sua significatione monstravit per certas literas patentes quarum quidem literarum tenor¹⁾ sequitur per omnia et est talis. (Folgt die Urkunde des Dekans Antonius von 1447 Nr. »2596). Post quarum quidem literarum lectionem, praesentationem et perceptionem supradictus Nicolaus notarius iuris sui uberiorem ob cautelam petitionibus insistebat assiduis, ut literis nostris mediantibus confirmando ratificaremus super quo consensum nostrum benivolum praebuimus immo praebemus nunc et pro semper et assensum sigilii quoque nostri consueti roboris iussimus communiri unacum notarii nostri publici subscriptione infrascripta²⁾. Praesentibus honorabilibus viris domino Anthonio decano Braschouiensi plebano in Herman, Johanne Rudel, plebano Coronensi, artium liberalium magistro, Georgio licentiato in decretis et plebano de monte Petri³⁾, aliisque quam pluribus fidedignis testibus ad praemissa vocatis specialiter et³⁾ rogatis³⁾.

Notarzeichen.
Et ego Benedictus natus Thomae de Hathalom, clericus diocesis Jauriniensis, publicus sacra apostolica auctoritate notarius, quia praemissis praesentationi, receptioni, perceptioni, petitioni aliisque omnibus et singulis dum sic ut praemittitur fierent et agerentur, unacum praenominatis testibus¹⁾ praesens interfui eaque omnia et singula sic fieri vidi et audivi. Ideo ex mandato supradicti domini iudicis manuque mea propria subscripsi nomineque meo signo solitis et consuetis consignando rogatus et requisitus in fidem et testimonium omnium et singulorum praemissorum. [S. 224]


1) Mit anderer Tinte über der Zeile nachgetragen. [2x]^{^}
2) Vorlage scripto. ^{^}
3) Auf Rasur. [3x]^{^}