Urkunde Nr. 2640 aus Band V

Seite im UB:

246-247

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1292 - Abt.45: K. A. Treppen [Parohia Ev. CA Tărpiu], Nr. 4.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2640

1448 März 30 Der Konvent von Kolozsmonostor teilt den Vizewoiwoden Markus, Georg und Nikolaus als Ergebnis der angeordneten Zeugenvernehmung mit, dass die Besitzung Ţigău / Ziegendorf und die Prädien Chegee, Bochina, Fatha und Thewkes seit jeher auch nach der weiblichen Hand vergeben wurden.

Egregiis viris Marco de Herepe ac Georgio de Bala et Nicolao Erdeli de Sumkerek vicevaivodis Transsiluanensibus amicis ipsorum honorandis conventus monasterii beatae Mariae virginis de Clusmonostra amicitiam paratam cum honore. Noveritis quod cum nos literis vestris adiudicatoriis modum et formam vestrae iudiciariae deliberationis in se denotantibus pro parte nobilium de Gewrfalwa contra cives et hospites ac totam communitatem in Nagdemeter et Terpen vocatis commorantes super facto in eisdem literis vestris adiudicatoriis specificato emanatis nobisque loquentibus et directis honore quo decuit receptis iuxta earundem continentiam unacum Nicolao Karoly de Zenthmiclos homine vestro literis in eisdem inter alios homines vestros nominatim conscriptos deputato nostrum hominem videlicet religiosum virum fratrem Bartholomeum socium nostrum conventualem ad ea quae in dictis literis vestris adiudicatoriis denotantur exequenda nostro pro testimonio duxissemus transmittendum. Qui tandem exinde ad nos reversi nobis concorditer retulerunt, quod ipsi secunda¹⁾ feria quarta proxima post festum Pascae domini proxime prateritum²⁾ termino videlicet per vos ad id specialiter deputato ad faciem praescriptae possessionis Zegw ac praediorum Chegee, Bochina, Fatha et Thewkes ad eandem spectantia locum videlicet in praescriptis literis vestris adiudicatoriis specificatum et declaratum pariter accessissent ibique vicinis et commetaneis dictae possessionis Zegw et praediorum ad eandem pertinentium nobilibusque conprovincialibus comitatus de Doboka inibi convocatis partibus etiam praedictis illac accersitis ad ea quae in dictis literis vestris denotantur inquirentes iidem vicini et commetanei nobilesque comprovinciales talem uti subditus fecissent attestationem item primo Nicolaus de Mathe, Johannes de eadem, Osualdus, Johannes et Stephanus Ianka de Ews, Petrus Ztyrgii de Manyk, Ladislaus, Johannes et alter Ladislaus de eadem vicini, item Georgius filius quondam Dauid bani de Zancho, Nicolaus Farkas de Haryna, Stephanus Erdelii de Sumkerek, Nicolaus Georgius Blasius ac Osualdus de Cherynii, Thomas Lekes de Chegew, Petrus Kabocz de Gerewmonostra, Michael de Gewch, Ladislaus de Galaz, Anthonius de Kerestwr, Georgius de eadem, Paulus de Sarwar et Johannes Erdewk de Solomke commetanei item Philipus de Mykehaza, Beke de Iklod, Osualdus de Drag, Gaspar de Moch, Sigismundus de Ewskewlew, Anthonius de Zylkerek. Johannes de Gerewasarhel, Stephanus Erdewk, Emericus Kakas de Bothaza et Borboslo de Geztragh comprovinciales prorsus et per omnia in omnibus concordantes iuxta consuetudinem dictarum partium Transsiluanarum ab antiquo approbatam fide eorum mediante taliter fuissent attestati, quod praescripta possessio Zegw ac praedia antedicta ad eandem pertinentia semper et ab antiquo tempore cuius in contrarium memoria hominum non haberetur sicuti et in quantum ius masculinum sic et eatenus ius femineum attigissent, cuiusquidem attestationis seriem ad octavos festi beati Georgii martiris nunc proxime afuturi³⁾ per praefatos nobiles de Gewrgfalwa vobis duximus appor- [S. 247] tandum . Datum quarto die diei termini praenotati, anno domini millesimo quadringentesimo quadragesimo octavo.


1) So Vorlage.^{^}
2) März 27.^{^}
3) Mai 1.^{^}