Urkunde Nr. 2651 aus Band V

Seite im UB:

255-259 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1292 - Abt.45: K. A. Treppen [Parohia Ev. CA Tărpiu], Nr. 4.

Druckvorlage:

nach Original

Abdruck als:

Volltext

Sprache:

Latein

---

2651

Thorenburg 1448 Juli 12 Markus, Nikolaus und Georg, Vizewoiwoden von Siebenbürgen, schalten die Urkunde des Kolozsmonostorer Konvents von 1448 Nr. »2640 ein, den Streit der Gemeinden Mettersdorf und Treppen mit den Adligen von Györgyfalva und Zalahaza um die Besitzung Ţigău / Ziegendorf und die Prädien Chege [S. 256] Fatha , Bochina und Thewkes betreffend, und entscheiden den Streit zu Gunsten der Adligen.

Nos Marcus de Herepe ac Nicolaus de Sumkerek et Georgius de Bala vicevaivodae Transsiluani memoriae commendantes tenore praesentium significamus quibus expedit universis, quod praesente illustri principe domino Johanne de Hwnyad regni Hungariae gubernatore nobis unacum partium Transsiluanarum nobilibus in octavis festi epiphaniarum domini proxime praeteritis¹⁾ nobiscum in iudicio existentibus venerabilis dominus Cristannus decretorum doctor plebanus de Nagdemeter pro civibus et hospitibus ac tota communitate in iamdicta possessione Nagdemeter et Terpen vocatis commorantibus ad civitatem Bistriciensem pertinentibus cum procuratoriis literis eiusdem civitatis Bistriciensis in figura nostra iudicii comparentibus contra Johannem de Gewrgfalwa ac Blasium Henke de eadem, Johannem de Zala et Michaelem de Gerewasarhel proposuerat eo modo, quod licet possessio Zegw ac praedia Chege, Fatha, Bochina et Thewkes in comitatu de Doboka existentia vigore certarum literarum et literalium instrumentorum²⁾ praedictis populis et iobagionibus regalibus Saxonicalibus in praeallegatis possessionibus Nagdemeter et Terpen commorantibus pertinuerint. Tamen ipsi nobiles permultiplicium litium amfractus eosdem populos et iobagiones regales Saxonicales plurimum inquietarent in eorundem populorum et iobagionum regalium Saxonicalium praeiudicium et dampnum valde magnum ex parte quorumquidem nobilium iudicium et iustitiam habere vellent dictandae iuris aequitate et in praemissorum comprobationem quamplures literas scilicet regales et vaivodales nostro iudiciaria conspectui offerre curaverat, in quarum una ut puta serenissimi principis felicis reminiscentiae domini Sigismundi imperatoris et regis donationali litera vidimus contineri, quod praefatus dominus Sigismundus imperator et rex praescriptam possessionem Zegw ac praedicta praedia praescriptis possessionibus suis regalibus Nagdemeter et Terpen vocatis annectendo dictis populis et iobagionibus suis regalibus possessionibus in eisdem commorantibus per defectum seminis condam Nicolai et Gregorii de dicta Zegw donasset et contulisset. Quo audito praefati utique Johannes ac Blasius et Michael in praetitulati domini gubernatoris ac nostram praenarratarumque partium Transsiluanarum nobilium exurgendo praesentiam responderant ex adverso, quod praealegatus dominus Sigismundus imperator praenarratam possessionem Zegw ac praedia antedicta per defectum seminis annotatorum Nicolai et Gregorii memoratis populis et iobagionibus regalibus in praescriptis possessionibus Nagdemeter et Terpen residentibus de iure donare et contullere non potuisset, nam praescripta possessio Zegw ac praedia antedicta per defectum seminis saepenominatorum Nicolai et Gregorii in ius regium non fuissent devolutae, quia eadem possessio et praedia sicuti masculinum et eatenus femineum sexum sequerentur rationeque lineae feminei sexus praescripta possessio Zegw ac praedia praenarata ipsos iuxta regni consuetudinem legittime attiinerent et in eo se ad veridicum attestationem vicinorum et commetaneorum praescriptae possessionis Zegw ac praediorum praedictorum nobiliumque comprovincialium dicti comitatus de Doboka inibi legittime convocandorum ac partibus praedictis vel earum legittimis procuratoribus illa accersitis coram testimonio conventus ecclesiae de Clusmonostra quod illac accedere liberatorie petieramus amicabiliter. Quo praesente homo noster infra declarandus feria quarta post festum Pascae domini³⁾ ad faciem praenarratae possessionis Zegw ac praedictorum praediorum accedens utrum praefata possessio Zegw ac dicta [S. 257] praedia ius femineum sequi debuerint an ne ab antedictis vicinis et commetaneis ac nobilibus comprovincialibus iuxta consuetudinem harum partium Transsiluanarum ab antiquo approbatam inquirens praescriptam possessionem Zegw ac dicta praedia ius femineum sequi agnosscerent. Ex tunc praelibati nobiles sese inclusis et conumeratis quinquagesimo se sibi similibus nobilibus iuxta formam registri super iuramento nuper in conventione generali in Pest editi et confecti super eo quod praescripta possessio Zegw ac saepius nominata praedia semper et ab antiquo ius femineum sequi debuerint in octavis festi beati Georgii martiris proxime tunc venturi⁴⁾ Tordae coram homine nostro per nos ad id deputando iuramentum praestare debuissent quo praestito tandem praenarratam possessionem Zegw ac praedia antedicta tenendum, possidendum pariter et habendum liberam haberent facultatem ipsis denique octavis festi beati Georgii martiris⁴⁾ occurrentibus praefati Johannes de Gewrgfalwa ac Blasius Henke de eadem et Johannes de Zala personaliter necnon memoratus Michael de Gerewasarhel pro nobilibus dominabus Elena sua ac Potencia vocatis Nicolaui de Somogyon consortibus filiabus videlicet quondam Sigismundi de Bakay cum procuratoriis literis nostris nostram venientes in praesentiam literas vestras super praemissa attestatione vicinorum et commetaneorum ac nobilium comprovincialium iuxta consuetudinem harum partium Transsiluanarum ab antiquo approbatam rescriptionalem nobis praesentarunt habentes hunc tenorem: (Folgt die Urkunde des Konvents von Kolozsmonostor von 1448 Nr. »2640). Quibus praesentatis praetacti Johannes de Gewrgfalwa ac Blasius de eadem necnon Johannes de Zala item Ladislaus filius Stephani de eadem necnon Demetrius filius Emerici de Forro et ex quo factum praescriptae possessionis Zegw ac praediorum antedictorum non praefatum Michaelem de Gerwasarhel, sed dictas nobiles dominas Elena et Potencia vocatas tangere agnoscebatur pro eo eodem Michaele excluso eaedem nobiles dominae Elena et Potencia vocatae sese ac praelibatis utroque Johanne necnon Blasio, Ladislao et Demetrio connumeratis quinquagesimo se nobilibus videlicet Alberto de Geztragh, Laurentio de Vezzewd, Georgio de Bala, Anthonio de Gyroth, Myske de Moch, Vito Vas de Zenthgothard, Stephano filio Johannis de Deweczer, Vallentino filio Petri de Peterhaza, Johanne filio Andreae de Fodorhaza, Elya filio Anthonii de Gyroth, Ladislao de Galaz, Ladislao de Patha , Petro de praedicta Galaz, Johanne de Iara, Georgio de Eztyen, Ztanyzlauo de Zala, Gregorio filio Thomae de Zawa, Stephano de Indal, Stephano de Peterd, Johanne filio Petri Toth de Chomafaya, Gywla filio Nicolai de Septer, Nicolao Karoly de Zenthmyclos, Alberto de Thydey, Osualdo de Bongard, Emerico de Decze, Nicolao de Forro, Ladislao Fenesy de Deweczer praedicta, Ladislao de Zenthpal, Benedicto de Zenthgewrg, Sigismundo de Dengelegh, Martino de Galtew, Gregorio de Nema, Georgio de Almas, Petro de praedicta Somogyon, Alberto Boltha de Gald, Jacobo de Chestwe, Johanne de Kereky, Georgio filio Petri de Keresthwr, Johanne filio Dominicy de praedicta Gewrgfalwa, Georgio de dicta Chomafaya, Dominico de Zomodok, Benedicto de Bongard praedicta et Ladislao de Doboka eorum ut puta coniuratoribus nobilibus iuxta formam praetacti registri super iuramento nuper in conventione generali praelatorum, baronum et procerum ac nobilium regni Hungariae universorum in Pest editi et confecti super eo, quod praescripta possessio egw Zet praenarrata praedia semper et ab antiquo sicuti masculinum sequi debuerint non minus ius femineum sequi debeant iuxta nostram iudiciariam commissionem antedictam ut debebant iuramentum praestiterunt et deposuerunt coram nobis. Pro eo nos unacum dictarum partium Transsiluanarum nobilibus in iam notatis octavis festi beati Georgii martiris nobiscum in iudicio existentibus eorundem consilio coassumpto praematuro praescriptam possessionem Zegw ac supranominata praedia cum cunctis earundem utilitatibus universis et pertinentiis quibuslibet praelibatis Johanni de Gewrgfalwa, Blasio de eadem, Johanni [S. 258] de Zala, Ladislao filio Stephani de eadem, Demetrio filio Emerici de Forro ac nobilibus dominabus Elena et Potencia vocatis filiabus praetacti Sigismundi de dicta Bakay, eorundemque successoribus et posteritatibus iuxta praemissam nostram iudiciariam commissionem ex praetitulati domini gubernatoris < >⁵⁾ factam veluti proprium ipsorum ius iure eis ex praemissis perpetuo incumbenti tenendum, possidendum pariter et habendum, reliquendum et committendum amicitiam dicti conventus de dicta Clusmonostra literatorie petieramus diligenter. Quatenus ipsorum mitterent hominem pro testimonio fidedignum quo praesente homo noster infra declarandus per nos ad id specialiter deputatus ad faciem praescriptae possessionis Zegw ac praediorum antedictorum vicinis et commetaneis earundem universis inibi legittime convocatis et praesentibus accedendo eandem et eadem cum praetactis earundem utilitatibus universis et pertinentiis quibuslibet relinqueret et committeret praetactis nobilibus ac dominabus et per consequens eorundem posteriis iure eis ex praemissis incumbenti perpetuo possidendum, tenendum pariter et habendum contradictione annotatorum Saxonum regalium in memoratis Nagdemeter et Terpen vocatis possessionibus residentibus et aliorum quorumlibet praevia ratione non obstante. Et post haec huiusmodi possessionaria statutionis seriem ad proxime tunc sequentes octavas festi nativitatis beati Johannis baptistae⁶⁾ legittime perdurando nobis amicabiliter rescriberet conventus antedictus tandem ipsis octavis festi nativitatis beati Johannis baptistae instantibus praefati Johannes ac Blasius de Gewrgfalwa pro se personaliter necnon Johanne de Zala, Ladislao filio Stephani de eadem, Demetrio filio Emerici de Forro ac nobilibus dominabus Elena et Potencia vocatis filiabus dicti quondam Sigismundi de Bakay cum procuratoriis literis nostris nostram venientes in praesentiam literas memorati conventus de Clusmonostra super praemissa possessionaria statutione rescriptionales clause confectas nobis loquentes exhibuerunt coram nobis. In quibus per magistrum Nicolaum dictarum partium Transsiluanarum protonotarium hominem nostrum inter alios homines nostros per nos ad id specialiter deputatum et religiosum virum fratrem Bartholomeum testimonium praelibati conventus de Clusmonostra feria quarta proxima ante festum beati Vrbani papae novissime praeteritum⁷⁾ ad faciem praescriptae possessionis Zegw ac praediorum Chege, Fatha , Bochina et Thewkes vocatorum omnino in dicto comitatu de Doboka existentium vicinis et commetaneis earum universis inibi legittime convocatis et praesentibus accedentes praefatos utrumque Johannem necnon Blasium, Ladislaum et Demetrium ac nobiles dominas Elena et Potencia vocatas in dominium eiusdem et eorundem introductos fore et statutos conspeximus manifeste contradictione annotatorum Saxonum regalium in praescriptis Nagdemeter et Terpen vocatis possessionibus regalibus commorantium et aliorum quorumlibet praedia ratione non obstante. Quibus exhibitis quia ex serie praescriptarum literarum dicti conventus rescriptionalium per nostrum et eiusdem conventus homines praescriptam possessionem et praedia antedicta modo antelato iuxta formam nostrae iudiciariae commissionis memoratis utrique Johanni necnon Blasio, Ladislao ac Demetrio et nobilibus dominabus Elena et Potencia vocatis legittime statuisse reperiebatur pro eo praescriptam possessionariam statutionem modo praetensato ipsis utrique Johanni et aliis praescriptis iuxta praenarratam nostram iudiciariam commissionem rite et legittime factam ratam, grat a m et acceptam habentes praescriptam possessionem Zegw ac praedia Chege, Fatha , Bochnia et Thewkes vocata cum omnibus eiusdem et eorundem utilitatibus et pertinentiis quibuslibet iamnotatis utrique Johanni, Blasio, Ladislao, Demetrio ac nobilibus dominabus Elena et Potencia vocatis ipsorumque heredibus et posteritatibus universis iure eis ex praemissis perpetuo incumbenti tenendum, possidendum pariter et habendum reliquimus et committimus auctoritate nostra iudiciaria mediante salvo iure alieno praelibatis siquidem Saxonibus [S. 259] regalibus in praeassertis possessionibus Nagdemeter et Terpen vocatis commorantibus perpetuum silentium imponendo de eisdem. In cuius rei memoriam firmitatemque perpetuam praesentes literas nostras privilegiales sigilii nostri pendentis munimine roboratas eisdem utrique Johanne et aliis supranominatis duximus concedendum. Datum Tordae duodecimo die octavarum festi nativitatis beati Johannis baptistae praedictarum, anno domini supradicto.


a) Seitenumbruch im Kopfregest.^{^}

1) Januar 13.^{^}
2) Hierauf prae getilgt.^{^}
3) März 27.^{^}
4) Mai 1. [2x]^{^}
5) Lücke 1,4 cm.^{^}
6) Juli 1.^{^}
7) Mai 22.^{^}