Urkunde Nr. 2735 aus Band V

Seite im UB:

316

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 134.

Druckvorlage:

nach Original

Abdruck als:

Volltext

Sprache:

Latein

---

2735

Gran 1451 Mai 6 Dionysius, Erzbischof von Gran, ersucht die Grafen der Hermannstädter Münzkammer, seinen Beauftragten die der Graner Kirche zustehenden Einkünfte nach der Silberprägung bereitwillig auszufolgen.

Dyonisius miseratione divina tituli sancti Ciriaci in termis sanctae Romanae ecclesiae presbiter cardinalis, archiepiscopus Strigoniensis locique eiusdem comes perpetuus, primas et apostolicae sedis legatus natus dilectis nobis in Christo egregiis generosisque viris et comitibus cusionis monetarum argentearum Cibiniensis per quemcumque constitutis seu constituendis praesentes visuris amicis nostris salutem et sincerae caritatis augmentum. Cum nos ex certa nostra scientia nobilem Anthonium de Bazna familiarem nostrum dilectum in specialem proventuum nostrorum nobis et ecclesiae nostrae Strigoniensi ratione et praetextu piseti sive ponderis de dicta cusione monetarum ab antiquo provenire debentis collectorem, exactorem et administratorem praefecerimus plenariam que eorundem administrationem nobis sine dissipatione faciendo sibi commiserimus. Vestrae igitur dilectionis amicitiam diligenter requirimus, quatenus visis praesentibus ac dum et quando praefatus Anthonius de Bazna cum praesentibus ad vos aut alterum vestrum praetextu exactionis pariter et administrationis dictorum proventuum nostrorum de dicto piseto uti praetulimus nobis cedentium pervenerit extunc eundem cum suis hominibus nostri intuitu honore decenti et favore recipiendum sibique universos proventus nostros de dicto pondere nobis undecumque et qualitercumque proveniendos sine defectu et diminutione loco et temporibus opportunis plenarie extradare extradarique et persolvi facere debeatis, eumque cum uno homine et equo in vestris expensis, ut moris est, et in aliis suis iuribus conservare velitis, in praemissis vos adeo favorabiles et benivolos exhibere velitis, ut propitiationem divinam et nostrum favorem paternum vobis suis loco et tempore impertiendum obtinere valeatis. Datum Strigonii in festo beati Johannis apostoli ante portam latinam, anno domini M^o CCCC^o L^o primo. [S. 317]