Urkunde Nr. 2772 aus Band V

Seite im UB:

340-341

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 50.

Druckvorlage:

nach Original

Abdruck als:

Volltext

Sprache:

Latein

---

2772

Gran 1452 April 24 Dionysius, Erzbischof von Gran, verleiht dem Dekan des Burzenländer Kapitels bei Streitigkeiten, die innerhalb des Kapitelsgebietes vor das geistliche Gericht gehören, das erstinstanzliche Entscheidungsrecht.

[S. 341] Dyonisius miseratione divina tituli sancti Ciriaci in termis sanctae Romanae ecclesiae presbiter cardinalis, archiepiscopus Strigoniensis locique eiusdem comes perpetuus, primas et apostolicae sedis legatus natus dilecto nobis in Christo venerabili domino Georgio licentiato in decretis, plebano de monte Petri decano districtus Brasouiensis, aliisque tuis suceessoribus decanis districtus Brasouiensis pro tempore constitutis salutem et paternam in domino benedictionem. Exhibite nobis pro parte tua ac omnium et singulorum plebanorum dicti decanatus seu capituli Brasouiensis petitio continebat, quod nonnulli forent clerici et laici dicti districtus Brasouiensis, qui ob quamcumque levem causam ac modicam rem et parvam summam vel iniuriam notabiles plerumque ecclesiasticas vel saeculares personas dicti districtus Brasouiensis ipsius decani super administranda iustitia omisso et non implorato officio ad hanc nostram Strigoniensem sedem frequenter convenire ac laboribus et expensis plurimum fatigare ac vexare consvevissent et propter longam viarum distantiam et discrimina personae conventae huiusmodi pericula, damna et incommoda non nunquam passae, vexationes suas redimere compulsae plurimum dampnificantur et gravarentur. Et cum decanus Brasouiensis pro tempore constitutus ordinaria per nos ibi concessa fungatur iurisdictione, litigatoribusque debitae iustitiae complementum ex sui officio debito ministrare teneatur et ex iniuncto per nos officii sui debito pro administranda iustitia paratum se offerat, ut laboribus et expensis personarum huiusmodi parcere ac ipsarum quieti et indempnitati gratiose providere pro tui ac omnium et singulorum plebanorum dicti decanatus et capituli parte dicti district us Brasouiensis, nobis fuit humiliter supplicatum, ut litigatores in causis ad forum et iudicium ecclesiasticum pertinentibus, te primum ac successores tuos decanos Brasouienses adire officiumque tuum et huiusmodi tuorum successorum implorare iustitiaeque complementum administrare petere debeant concedere et indulgere dignaremur. Nos itaque laboribus et expensis nobis subiectarum personarum dicti decanatus Brasouiensis parcere ac ipsarum quieti et indempnitati paternaliter providere volentes tuis et ipsorum plebanorum supplicationibus favorabiliter inclinati, ut personae cum personis dicti decanatus Brasouiensis in causis huiusmodi litigantes et litigare volentes in prima instantia te et tuos successores adire tuumque ac huiusmodi tuorum successorum officium implorare iudiciumque et iustitiam a te et tuis successoribus eis ministrare petere ac demum de tua ac tuorum successorum eis ministrata iustitia contentari nollentes ad hanc nostram sedem Strigoniensem appellare possint et valeant tenore praesentium statuentes et annuentes concedimus et indulgemus. Datum Strigonii in festum beati Georgii martiris, anno domini millesimo quadringetesimo quinquagesimo secundo.