Urkunde Nr. 2773 aus Band V

Seite im UB:

341-343

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 26.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2773

Gran 1452 April 24 Dionysius, Erzbischof von Gran, teilt dem Dekan des Hermannstädter Kapitels und dem Pfarrer von Hermannstadt mit, dass er die Entscheidung des Visitators Thomas Armenus in dem Streit zwischen dem Kronstädter Kapitel und dem Stadtrat bestätige, und trägt ihnen auf, falls sich der Rat weiter in Testamentsangelegenheiten einmische, den Kirchenbann zu verhängen.

Dyonisius¹⁾ miseratione¹⁾ divina¹⁾ tituli sancti Ciriaci in termis sanctae Romanae ecclesiae presbyter cardinalis, archiepiscopus Strigoniensis locique eiusdem [S. 342] comes perpetuus, primas et apostolicae sedis legatus natus, dilectis nobis in Christo N. decano et N. plebano Cibiniensi nostrae iurisdictionis spiritualis salutem et paternam in domino benedictionem. Querelam dilectorum nobis in Christo decani ac omnium et singulorum plebanorum decanatus capituli districtus Brassouiensis accepimus continentes, quod cum alias dilectus nobis in Christo venerabilis et egregius vir dominus Thomas, licentiatus in decretis, praepositus collegiatae ecclesiae beati Georgii martiris de viridi campo Strigoniensis, archidiaconus calhedralis et canonicus ecclesiae Strigoniensis, visitator in dictis Brasouiensi ac Cibiniensi decanatibus per nos specialiter deputatus et in dicto Brassouiensi decanatu suae visitationis officium debite exequens inter alias differentias, discordias ac discrepantias inter decanum, plebanos ac capitulum dicti decanatus ac iudices, iuratos cives, consules villicosque et officiales Saxonum civitatis et districtus Brassouiensis ab olim subortas et tunc vigentes per ipsum dominum Thomam licentiatum, praepositum visitatorem iuris prout rerum et negotiorum suadebat aeqitas et rationis ordo requirebat complanatas sub certis ab utraque parte coram dicto nostro visitatore super huiusmodi differentiis, discordiis et discrepationibus productorum articulorum factis limitationibus et determinationibus. Idem noster visitator super huiusmodi differentiarum, discordiarum articulorum complanatione et limitatione literas suas patentes et decano, plebanis ac capitulo dicti decanatus et iudicibus, iuratis civibus consulibusque ac villicis et officialibus civitatis et districtus Brassouiensis ratas, gratas et acceptas habere nollentes habentibus in forma autentica dedisset et concedisset ambaeque partes complanationes, limitationes et ordinationes huiusmodi ac literas superinde confectas approbassent et acceptassent et usque in praesentiarum pacifice, quiete et inconcusse observassent. Sed nunc praefati iudices iuratique cives ac consules officiales et villici civitatis et districtus Brassouiensis ordinationibus, complanationibus et dispositionibus huiusmodi inter quosque quascumque causas testamentarias super rebus mobilibus et immobilibus per quascumque personas ecclesiasticas videlicet aut saeculares ad spirituales, pios aut prophanos seu humanos usus legatis et relictis ad examen cognitionem ac iurisdictionem decani Brassouiensis prout de iure ac ex antiqua et laudabili consuetudine observatum fuit pertinere declaratum ordinatumque et dispositum et ab utraque parte acceptatum ac ratum et gratum habitum fuisset temerarie et de facto contravenientes in multis iurisdictionem ecclesiasticam impedientes et praecique examen, cognitionem²⁾ et adiudicationem testamentorum inter laicos et laici personis factorum eis usurpassent et usurparent de praesenti in animarum ipsorum periculum, praeiudicium et derogamen ecclesiasticae iurisdictionis manifestum. Et cum inter alias nostras synodales constitutiones specialiter statutum existat, quod quicumque de nostra civitate, diocesi et iurisdictione de bonis suis disponere aliquid voluerit seu testari rectorem seu capellanum ecclesiae intra cuius deget parochiani tamquam personam, quae eius conditionem et conscientiam non creditur ignorare et quae illi viventi sacramenta ecclesiastica ministravit omnino ipso praesente maxime pro [ ]³⁾ a sua leganda vel ordinanda ordinet et disponet per quam plus solet dirigi vel poterit in hiis, quae ad salutem animae ipsius pertinebuut. Cuius dispositio et ordinatio, ubi est possibile constabatur pro memoria futurorum, ne defunctorum voluntates plus prorogentur. Si quis autem directe vel indirecte dispositionem ultimae voluntatis capellanum prohibuerint interesse vel ipsum testatorem in scriptis testari vel voluntatem talium ultimam ocultaverint in ipsos sententiam excommunicationis promulgamus. Moventes insuper tenere praesentium iudices et iuratos civitatum, oppidorum, castrorum et locorum aliorum quorumcumque civitatis diocesis et iurisdictionis nostrae ut statuta, monitionis praecepta seu [S. 343] mandata contra praesentem nostram constitutionem non faciant. Sed si qui vel si quos fecerint infra sex dies a publicatione praesentium debeant revocare necnon etiam per praecessores aut praedecessores ipsorum facta et factas. Quod si non fecerint in ipsos et quoslibet ipsos virtutibus sententiam excommunicationis proferimus in hiis scriptis praesentem aut constitutionem in quolibet die dominico in vestris ecclesiis publicetis et ad notitiam populi deducatis, pro eo ordinationes, dispositiones et complanationes super differentiis, controversiis et discrepantiis inter eosdem decanum, plebanos et capitulum necnon iudices, iuratos cives, consules, officiales et villicos civitatis et districtus Brassouiensis alios ut praemittitur subortis per praefatum dominum Thomam visitatorem nostrum factas et stabilitas et ab utraque parte acceptates, ratas et gratas habentes duximus confirmandas confirmamus per praesentes. Et insuper prout praedicta nostra synodali constitutione in contravenientia eidem constitutioni excommunicationis poena per nos publice et specialiter lata, promulgata et pronuntiata inviolabiliter observari volentes devotioni vestrae et vestris cuiuslibet in virtute sanctae oboedientiae et sub excommunicationis poena firmiter praecipiendo committimus et mandamus, quatenus dum et quando ac quocienscumque iudices, iuratos cives, consules, officiales et villicos civitatis et districtus Brassouiensis huiusmodi seu quascumque alias personas saeculares eiusdem districtus de quibuscumque aut quarumcumque personarum testamentis et causis testamentariis se ingerentium testamentorumque et causarum huiusmodi examen cognitionem et adiudicationem sibi usurpare et eisdem se ingerere vobis constiterit et per decanum Brassouiensem pro tempore constitutum pro reprimenda dictorum iudicum, iuratorum civium, consulum, officialium et villicorum de testamentis et causis testamentariis se ingerentium aut ipsorum testamentorum examen cognitionem et adiudicationem sibi usurpantium temeritate officium vestrum parves praesentium auctoritate mediante attributum , requisitum it imploratum fuerit. Ex tunc iudices, iuiati⁴⁾ cives, consules, officiales, villicos et quascumque saeculares personas dicti districtus Brassouiensis de praemissis se ingerentes praemissa sibi usurpantes prout per nos in singulis synodis nostris excommunicati et denuntiati publice extiterint ac excommunicantur et denuntiantur. Ita et vos in vestris ecclesiis diebus dominicis et festivis dum ad eas ad divina audienda populi christiani convenerit multitudo pulsatis campanis candelis accensis et extinctis ac in signum maledictionis aeternae in terram porrectis⁵⁾ publice excommunicare et excommunicatos denuntiare et a communione fidelium artius evitare faciatis tamdiu et quousque ab huiusmodi ipsorum temeritate cessaverint et ad cor reversi cum debita humilitate veniam petierint cum effectu. Datum Strigonii in festo sancti Georgii martyris, anno domini millesimo quadringentesimo quinquagesimo secundo.


1) In verlängerter Schrift. [3x]^{^}
2) Gebessert aus con.^{^}
3) Lücke 1 cm.^{^}
4) Vorlage iurates. ^{^}
5) Vorlage prorectis.^{^}