Urkunde Nr. 2934 aus Band V

Seite im UB:

462-463 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 26.

Druckvorlage:

nach Original

Abdruck als:

Volltext

Sprache:

Latein

---

2934

Hermannstadt 1454 Oktober 2 Der öffentliche Notar Urbanus Petri bestätigt die Urkunde des Graner Erzbischofs Dionysius von 1452 Nr. »2773 über die Streitigkeiten in Testamentsachen zwischen Kapitel und Rat von Kronstadt. [S. 463]

In¹⁾ nomine¹⁾ domini¹⁾ amen¹⁾. Anno nativitatis eiusdem millesimo quadringentesimo quinquagesimo quarto, indictione secunda, die vero Mercurii, secunda mensis Octobris, hora tertiarum vel quasi, pontificatus sanctissimi in Christo patris et domini nostri domini Nicolai divina providentia papae quinti anno eius octavo, in domo dotis parochialis ecclesiae gloriosissimae virginis Mariae oppidi Cybiniensis Strigoniensis iurisdictionis in mei notarii publici testiumque subscriptorum ad hoc vocatorum et rogatorum praesentia personaliter constitutus honorabilis vir dominus Andreas plebanus de castro Mariae, districtus Brassouiensis Strigoniensis iurisdictionis praetactae, suo ac honorabilium decani ac universorum dominorum decanatus et capituli Brassouiensis ecclesiarum rectorum et plebanorum personis et nominibus egregium ac venerabilem viros dominos Valentinum decanum et Anthonium decretorum doctorem, canonicum ecclesiae Transsiluanae plebanum Cybiniensem, cum infrascripto archiepiscopi Strigoniensi mandato debita cum instantia requisivit ipsisque illud mandatum in specie non abrasum, non cancellatum sed et omni suspicionis vitio destitutum sigillo annulari in rubea cera ad modum crucis more pontificum sub appresso roboratum tradidit et assignavit mihique infrascripto notario publico ad transsumendum et in formam publicam redigendum supplicavit. Cuius tenor sequitur et est talis. (Folgt die Urkunde des Erzbischofs von Gran Dionysius von 1452 Nr. »2773). Ego¹⁾ quidam¹⁾ infrascriptus¹⁾ publicus¹⁾ notarius praesens mandatum reverendissimi in Christo patris et domini domini Dyonisii cardinalis, archiepiscopi Strigoniensis primatis, comitis perpetui et apostolicae sedis legati nati de verbo ad verbum nil addendo nilque minuendo, quod substantiam facti quoquomodo posset immutari, transumpsi et transcripsi, transumtumque et transcriptum praescripti mandati praelibatis dominis decano et ecclesiarum parrochialium rectoribus et plebanis districtus et capituli Brassouiensis universis tradidi et assignavi, iurium eorundem uberiorem ad cautelam. Acta et data sunt haec anno, indictione, die, mense, hora, loco et pontificatu quibus supra. Praesentibus ibidem honorabilibus viris dominis Mathia de Lankendorff, Transsiluanensis diocesis, Michaeli Woellinpleg de Helta, Strigoniensis iurisdictionis, et Wenczesslao de Dresden, Mysnensis diocesis, presbyteris in Cybinio capellanis, testibus ad praemissa vocatis pariter et rogatis.

Notarzeichen.
Et ego Vrbanus Petri de Stynawia, clericus Wratislauiensis diocesis, publicus papali ac imperiali auctoritatibus notarius, quia praemissis requisitioni, mandatis, literalibus, praesentationi, transsumpti, petitioni, dationi omnibusque aliis et singulis praemissis dum sic ut praemittitur fierent et agerentur unacum praescriptis testibus praesens fui eoque sic fieri, vidi et audivi. Ideo praesens publicum transsumti instrumentum propria mea manu scriptum publicavi et in hanc formam publicam redegi et tantem confeci signoque et nomine meis solitis consuetis roboranda consignavi rogatus et requisitus in fidem et testimonium omnium praemissorum.


a) Seitenumbruch nach Kopfregest.^{^}

1) In verlängerter Schrift. [8x]^{^}