Urkunde Nr. 2823 aus Band V

Seite im UB:

380

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2823

Birthälm 1453 Februar 10 Die Pfarrer Christian von Reichesdorf, Georg von Mühlbach u.a. laden den Hermannstädter Bürger Nikolaus Zas vor ihr Gericht.

Cristannus de Ryanfalw¹⁾, Georgius de Sebes decretorum doctores, Ladislaus de Alma, Ambrosius de Walthwdia, Laurencius de Ludas artium liberalium magistri, Michael baccalaureus in decretis de Berthelm, decanus capituli Megyes, nobili viro Nicolao Zas, concivi civitatis Cybiniensis, sinceram in domino caritatem et mandatis nostris immo verius delegantis firmiter obedire. Literas reverendissimi in Christo patris et domini domini Raphaelis Herczekh de Zechew, archiepiscopi ecclesiarum Colocensis et Bachiensis canonice unitarum locique eiusdem Colocensis comitis perpetui veras sigilloque eius consignatas nuper nobis noveritis ablatas eaque decuit reverentia et honore accepimus, quarum tenorem per nuntium praesentem edere petenti demandamus, volentes itaque obedire mandatis dicti domini archiepiscopi, ut tenemur, iuxta formam mandati nobis traditi vobis praeasserto Nicolao Zas ac partibus a vobis in ea parte in causam attractis, videlicet iudicibus et iuratis senioribus duarum sedium Medyes et Selk diem videlicet et locum praesentibus assignavimus, quintam videlicet feriam proximam sequentem dominicum diem, quo cantatur divinum officium laetare Jerusalem²⁾ in Medies vobis et illis honestum ac comodum, tutum et opportunum demandantes vobis illis nihilominus in his scriptis nomine et in persona ipsius delegantis, auctoritate nobis in ea parte nobis attributa, quem terminum pro primo et secundo et peremtorie utrisque partibus uno edicto in competentia dierum inter medio intervallo, quatenus vos et quilibet partium propriis in personis ibidem coram nobis legittime comparere studeant cum effectu, audituri et accepturi unusquisque vestrum cum suum est et erit, prout ordo iuris et iustitia suadebit ex superabundanti. Nihilominus operam dabimus si et in quantum ratione ducti consentanei fueritis, quantum in nobis est, rupta pacis foedera per omnia futura tempora firmiter observanda reformari et in perpetuum peramplius amicitiam reduci. Certificantes vos insuper his nostris literis praesentibus, quodsi deo advertente vos aut illi aliquo spiritu sinistro persuasi aut propriae prudentiae initi contenderit aut dure ceruicis per devia quaeque irrepserit ad ea nihilominus deo auctore, quae recta sunt et iustitia suadebit procedemus cuiuspiam contumacia aut cautelositate non obstante. Praesentibus perlectis iubemus reddi praesentanti. Ad evidentiam vero praemissorum praesentes nostras literas citatorias sigillo decanatus capituli Medyes communi consensu nostro fecimus communiri. Datum in Berthelm sabbato die proxima ante Esto mihi, anno domini millesimo quadringentesimo quinquagesimo tertio.


1) In verlängerter Schrift.^{^}
2) März 12.^{^}