Urkunde Nr. 2824 aus Band V

Seite im UB:

380-381 ^a)

Druckvorlage:

nach Original

Abdruck als:

Volltext

Sprache:

Latein

---

2824

Hermannstadt 1453 Februar 14 Der öffentliche Notar Urban Petri von Steinau beglaubigt die Urkunde der Pfarrer Christian von Reichesdorf, Georg von [S. 381] Mühlbach u.a. von 1453 Nr. »2823 und des Erzbischofs Raphael von 1453 Nr. »2808 über den Streit zwischen Nikolaus Zas und den Stühlen Mediasch und Schelk.

In nomine domini amen.¹⁾ Anno nativitatis eiusdem millesimo quadringentesimo quinquagesimo tertio, indictione prima, die Mercurii, quarta decima mensis Februarii, hora tertiarum vel quasi, pontificatus sanctissimi in Christo patris et domini nostri domini Nicolai, divina providentia papae quinti anno eius sexto, in capella beati Jacobi apostoli in cimiterio ecclesiae parochialis gloriosissimae virginis Mariae opidi Cybiniensis, Strigoniensis iurisdictionis, constructa in mei notarii publici testiumque infrascriptorum ad hoc vocatorum et rogatorum praesentia personaliter constitutis scientificus vir Martinus, iudicum et iuratorum seniorum duarum sedium Medyes et Selk Transsiluanensis diocesis notarius, habens et tenens in suis manibus quandam citationem tenoris infrascripti, qua mediante nobilem virum Nicolaum Zas de valle Agnetis, Strigoniensis iuridictionis praefatae, iuxta vim et formam ac tenorem eiusdem citationis sigillo decanatus capituli Medyes praedicti ab intra sub appressione roborata, publice citavit. Cuius tenor est talis: (Folgt die Urkunde der Pfarrer Christian und Georg von 1453 Nr. »2823.) Commissio domini Raphaelis archiepiscopi Colocensis praescripti sequitur in haec verba: (Folgt die Urkunde des Erzbischofs Raphael von 1453 Nr. »2808). Quibus peractis annotatus Martinus notarius a mei notario publico infrascripto unum vel plura petivi instrumentum vel instrumenta. Cuius supplicationibus rationi fore consonis inclinatus praesens ideo instrumentum citationis ac copiarum insertionis eidem tradidi et assignavi iuris sui ad cautelam. Acta et data sunt haec anno, indictione, die, mense, hora, loco et pontificatu quibus supra prasentibus ibidem honorabilibus viris Petro de Buzd, Michaele Wollmplok de Helta, Johanne Andreae sutoris de Cybinio, Georgio Georgii textoris de Cybinio, capellanis in Cybinio presbiteris, iurisdictionis Strigoniensis, et uni videlicet Petro de Buzd, Transsiluanensis diocesis testibus ad praemissa vocatis et rogatis.

Notarzeichen. Et ego Vrbanus Petri de Stynawia clericus Wratislauiensis diocesis, papali ac imperiali auctoritatibus publicus notarius, quia praescriptae citationis insinuationem in praesentiaque ipsius Nicolay Zas lectione, commissione, notificatione ac alia omnia et singula quae ibidem fiebant inter praedictas partes ut praemittitur et agerentur unacum praescriptis testibus praesens fui eaque sic fieri, vidi et audivi, ideo hoc praesens publicum citationis instrumentum manu mea propria scripsi, confeci et publicavi et in hanc formam publicam redegi signoque et nomine meis solitis et consuetis roborando consignavi rogatus et requisitus per partes utrasque ad notandum et conscribendum facta, acta, gesta eorundem et unicuique dare, quod suum est aut erit ad fidem et testimonium omnium praemissorum.


a) Seitenumbruch im Kopfregest.^{^}

1) In verlängerter Schrift.^{^}