Urkunde Nr. 2846 aus Band V

Seite im UB:

397-398

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2846

Hermannstadt 1453 Mai 31 Die Sieben Stühle weisen die Vertreter des Jodok von Kussow in dessen Streit mit dem Hermannstädter Bürgermeister Oswald und Michael von Alzen zurück und fordern die Vorlage authentisch besiegelter Urkunden als Beweismittel.

Nos iudices et iurati seniores septem sedium Saxonicalium partium Transsiluanarum tenore praesentium significamus, quibus expedit universis, quod cum nos die datarum praesentium more solito in civitate Cybiniensi pariter fuissemus congregati et nobis pro tribunali consedentibus coram nobis personaliter constituti nobiles Johannes de Mengeesdorff et Thomas de Nadryb, qui egregio viro Judoco de Kosso per circumspectos Oswaldum magistrum civium et Michaelem magistrum de Olczna inhabitatores Cybiniensis super quibusdam debitis postulaverunt satisfactionem, super quo quasdam nudas cartas papireas sigillisque carentes sententiam praelatorum et baronum regni Hungariae super adiudicatione censuum duarum sedium Megies et Selk, in quibus iidem Oswaldus et Michael de Olczna convicti pronuntiabantur, produxerunt, petentes quatenus iuxta contenta earundem iuris et iustitiae com-[S. 398] plementum super praemissis eisdem impartiri dignaremur. Ex adverso vero procurator annotati Oswaldi magistri civium instabat et cum debita instantia quaesivit per nos interloqui, an ab huiusmodi nudas cartas deberet et teneretur respondere an non. Nos vero praedictas partes a nobis sequestratas deliberatione praehabita, ad ipsius procuratoris quaesita taliter curavimus declarare respondendo, quod ad huiusmodi nudas cartas iuxta nostrae provinciae laudabilem et approbatam consuetudinem non esset respondendum, sed dum et quando praetitulati Johannes et Thomas literas sigillis authenticis emanatas producerent eisdem et singulis iustitiam petentibus iustitiae plenitudine promittimus impartiri, dilatione omni postergata. Datum Cybinii in nostro generali congregatione festi sacratissimi corporis Christi nostro sub minori sigillo provinciali, anno domini millesimo quadringentesimo¹⁾ quinquagesimo tertio.

Von der Kanzlei: Commisione provincialium.


1) Hierauf quadrage, zum Teil durchgestrichen.^{^}