Urkunde Nr. 2874 aus Band V

Seite im UB:

418-419

Druckvorlage:

nach Original

Abdruck als:

Volltext

Sprache:

Latein

---

2874

Mediasch 1453 August 24 Der öffentliche Notar Peter von Frauendorf bestätigt die Urkunde des Kanonikers Andreas de Danocz von 1452 Nr. »2775 mit der Urkunde des Weissenburger Kapitels von 1451 Nr. »2759 enthaltend die Urkunde der Zwei Stühle von 1450 Nr. »2719 über den Rechtstreit zwischen Nikolaus Zas und den Mediascher Grafen.

In nomine domini amen. Anno nativitatis eiusdem millesimo quadrigentesimo quinquagesimo tertio, indictione prima, die vero lunae, vicesima quarta mensis Augusti, hora sexta vel quasi, pontificatus sanctissimi in Christo patris et domini nostri domini Nicolai, divina providentia papae quinti anno eius sep- [S. 419] timo, in mei notarii publici et testium subscriptorum ad hoc vocatorum et rogatorum praesentia, in dote parochialis ecclesiae beatae Margarethae virginis et martiris in Megies Transsiluanae diocesis constituti prudentes et circumspecti viri Georgius Henel, comes de Megies ac Petrus Doleator, villicus de eadem, in manibus eorum quandam cartam papiream tenoris infrascripti tenentes, quam honorabiles domini Michael rector ecclesiae de dicta Megies et Valentinus similiter rector ecclesiae parochialis de Furkasy propterea requisiti conscientiose recognoverunt de honorabilis domini Andreae de Danocz alias vicarii Colocensis diffinitiva sententia excommunicationis maioris in specie sigillo virido ab intus consignata de verbo ad verbum fideliter per Martinum notarium de dicta Megies sine augmento et diminutione aliquali transcripta, petentes me debita cum instantia, ut eandem iuris ipsorum cautelam ad uberiorem de verbo ad verbum conscriberem et in formam publicam redigerem. Cuius tenor sequitur in haec verba: (Folgt die Urkunde des Bácser Kanonikers Andreas de Danocz von 1452 Nr. »2775 enthaltend die Urkunde des Weissenburger Kapitels von 1451 Nr. »2759 mit der Urkunde der Zwei Stühle von 1450 Nr. »2719.) Post quarum quidem literarum praesentationem et receptionem praedictam cartam de verbo ad verbum sine augmento et diminutione aliquali fideliter conscribi feci¹⁾ et in praesentem publicam formam redegi meo officio thabellionatus exigente. Acta et facta sunt haec anno, indictione, die, mense, hora, loco, pontificatu quibus supra praesentibus ibidem discretis et honestis viris Johanne sacerdote de Megyes, Valentino capellano ac Johanne praedicatore de eadem, clericis Transsiluanensis diocesis testibus ad praemissa specialiter vocatis et rogatis.

Notarzeichen. Et²⁾ ego Petrus natus Johannis de villa Dominarum clericus diocesis Transsiluanensis, sacra imperiali auctoritate notarius publicus, quia requisitioni, recognitioni literarumque transsumtivarum insertioni dum sic ut praemittitur fierent et agerentur unacum praenominatis testibus praesens interfui, eaque sic fieri vidi et audivi, ideo hoc praesens publicum instrumentum, per alium mihi fidelem conscriptum in hanc publicam formam redegi, manuque mea propria hic me subscripsi, signoque et nomine meis solitis et consuetis consignavi rogatus et requisitus in fidem et testimonium omnium ac singulorum praemissorum.


1) bi feci auf Rasur.^{^}
2) Notariatsformel von anderer Hand und mit anderer Tinte.^{^}