Urkunde Nr. 2900 aus Band V

Seite im UB:

436-437

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 51.

Druckvorlage:

nach Original

Abdruck als:

Volltext

Sprache:

Latein

---

2900

Gran 1454 März 7 Erzbischof Dionysius von Gran erlaubt dem Kronstädter Pfarrer Johannes, ein Studium Generale zu besuchen und sichert ihm den Bezug seiner bisherigen Einkünfte zu.

Dyonisius miseratione divina tituli sancti Ciriaci in termis sanctae Romanae ecclesiae presbiter cardinalis, archiepiscopus Strigoniensis locique eiusdem comes perpetuus primas et apostolicae sedis legatus natus dilecto nobis in Christo honorabili domino Johanni de Brassouia artium liberalium magistro, plebano Brassouiensi nostrae diocesis Strigoniensis salutem et paternam in domino benedictione. Circumspecta sedis Strigoniensis benignitas illis praesertim personis quas literarum scientia vitae et morum honestas praedotarunt gratias et privilegia maxime per quae fructus sibi et aliis in dei ecclesia affere valeant opportunos liberaliter concedere consuevit, sane ablatae nobis tuae petitionis series continebat, quod, quia tu de virtutibus in virtutes toto animo aspirans, te ad studium generale conferre et iuribus canonicis totum applicare desideras, ob quod in ecclesia tua¹⁾ personalem residentiam usque consummationem studii tui facere non possis, supplicasti itaque tibi absentiae licentiam atque [S. 437] gratiam dari et concedi. Unde nos humilimis supplicationibus tuis inclinati usque tempus consummationis studii tui, statutis et consuetudinibus ecclesiae tuae praedictae contrariis iuramento et confirmatione vel quacumque firmitate alia roboratis non obstantibus quibuscumque, auctoritate nostra ordinaria devotioni tuae absentiae licentiam concedimus fructuumque redituum, obventionum, proventuum et emolimentorum eiusdem ecclesiae tuae in huiusmodi tua absentia percipiendi omnimodam concedentes facultatem, quodque in ipsa ecclesia tua, absenta tua devotione, sufficientem vicarium habeat et in ea divina obsequia et animarum cura diligenter exerceantur et in eis laudabiliter deserviant harum testimonio literarum nostrarum mediante. Datum Strigonii septima die mensis Marcii, anno domini M^o CCCC^o L^mo quarto.


1) Über der Zeile.^{^}