Urkunde Nr. 2966 aus Band V

Seite im UB:

491

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Fronius I, Nr. 22.

Druckvorlage:

nach Original

Abdruck als:

Volltext

Sprache:

Latein

---

2966

Wien 1455 März 18 Erzbischof Dionysius von Gran gestattet dem Kronstädter Rat, die auf der nun abgetragenen Kronstädter Burg befindliche Leonhards-Kapelle niederzureissen und dafür in der Marienkirche einen diesem Heiligen geweihten Altar aufzurichten.

Dyonisius miseratione divina tituli sancti Ciriaci in termis sanctae Romanae ecclesiae presbyter cardinalis, archiepiscopus Strigoniensis locique eiusdem comes perpetuus, primas et apostolicae sedis legatus natus, sincere nobis dilectis circumspectis viris iudici et iuratis civibus civitatis Brassouiensis salutem in domino. Noveritis quod nostri veniens in praesentiam prudens vir Gaspar Craws concivis vester alias iudex de eadem Brassouia in sua ac vestris et totius communitatis vestrae personis exposuit, quod cum castrum vestrum Brassouiense^a) legitimis ex causis per vos ruptum et distractum fuisset remansisset supra portam eiusdem castri quaedam capella sub titulo sancti Leonhardi confessoris constructa nullam dotationem habens, e qua per inimicos temporum in processu vobis pericula et damna imminere verisimiliter possent. Suplicans nobis dictus Gaspar Craws suo et nominibus vestris in eo, ut dictam capellam rumpere et distrahere ac ammovere, locoque eiusdem capellae unum altare sub eodem scilicet sancti Leonhardi confessoris in ecclesia parochiali beatae Mariae virginis in civitate vestra constructae aedificare et construere possitis licentiam et potestatis facultatem concedere dignaremur. Unde nos supplicationibus pro parte vestri nobis tam debite quam devote porrectis uti iustis paternaliter inclinati, ut dictam capellam beati Leonhardi confessoris supra portam dicti castri habitam rumpere et distrahere aut rumpi et distrahi facere valeatis atque possitis vobis tenore praesentium omnimodam concedimus potestatis facultatem ita tamen, quod vos loco dictae capellae unum altare in praefata ecclesia vestra parochiali videlicet beatae Mariae virginis aedificare et construere ac ipsum altare debitis ornamentis et paramentis exornare et decorare debeatis et teneamini. Alias huiusmodi nostrum indultum viribus carere volumus. Datum Wiennae feria tertia proxima post dominicam Laetare, anno domini millesimo quadringentesimo quinquagesimo quinto. [S. 492]


a) UB: Brassouiensem.^{^}