Urkunde Nr. 2379 aus Band V

Seite im UB:

56-57

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 96.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2379

Hermannstadt 1440 Mai 25 Ladislaus Woski, der Abt des Mutterklosters Egresch, bezeugt, dass Abt Michael von Kerz zu Gunsten des Johannes von Bornequel resigniert hat, und ermahnt die Klosterangehörigen von Kerz zu Gehorsam und Ehrfurcht gegenüber dem neuen Abt.

Nos Ladislaus Woski dei gratia abbas monasterii in Egrisch ordinis Cisterciensis Schennadiensis diocesis, visitator et pater abbas monasterii beatae Mariae virginis in Candelis alias in Kercz nobis immediate subiecti, ad futuram et perpetuam rei memoriam tenore praesentium significamus quibus expedit universis, quod nos nuper cum ad civitatem Cibiniensem accessissimus proborum honestorum et fide dignorem hominum relatione intelleximus, quomodo dominus Michael quondam abbas dicti monasterii in Kercz ipsam abbatiam cum universis et singulis suis iuribus, pertinentiis, debitis et rebus aliis mobilibus et immobilibus praemeditate libere, sponte et voluntarie in favorem honorabilis viri domini Johannis de Bornequel sacerdotis et monachi in nostro Cisterciensi ordine expresse professi, sacrae theologiae doctoris, dei nomine renuntiavit et resignavit plene et integre cedendo eidem ab eadem abbatia . Unde sentiens idem dominus Johannes cui facta est huiusmodi resignatio quod nos constituti essemus in Cibinio ad nostram praesentiam venire curavit idem dominus Johannes et cum certis autenticis literis quatuor autenticis sigillis appendentibus et subscriptione ac signo publici notarii roboratis nos plene edocuit, quod ipsa resignatio, sic ut praemittitur, canonice facta esset clare informavit supplicando humiliter propter deum, quatenus nos huiusmodi resignationem et cessionem ratificaremus et approbarem us auctoritate paterna et visitatoria, quae in nostro ordine Cisterciensi papali aequivalet ipsum ad dictam abbatiam confirmando. Nos vero Ladislaus Woski abbas et visitator praefatus effective reperientes tam per literas autenticas quam fide digna testimonia ipsam resignationem et cessionem praefatas esse et fuisse iuxta apostolica et nostri ordini sacra instituta rite, legitime et canonice factas, quodque idem dominus Johannes doctor homo esset laudabilis vitae et honestatae conversationis amatorque sanctae religionis et optime de ipsius bonis moribus et laudabili conversatione edocti et informati huiusmodi suas humiles preces exaudire volentes resignationem, renuntiationem sive cessionem sic ut praemittitur et in literis resignationis continetur per ipsum dominum Michaelem tuncabbatem ipsi domino Johanni doctori rite, legitime et canonice factas auctoritate paterna et visitatoria, sicuti ad nos spectare dinoscitur, in nomine domini nostri Jesu Christi approbamus, laudamus et ratificamus eundem Johannem ad dictam abbatiam in Kercz nostri Cisterciensis ordinis, Melchouiensis diocesis, perpetue et irrevocabiliter confirmantes dato eidem prius iuramento de non alienandis bonis monasterii ipsius et alienatis pro posse recuperandis curamque et administ rationem temporalium et spiritualium dicti monasterii in Kercz sibi plene committentes sperantes quod dictum monasterium in Kercz, quod valde est desolatum, per ipsius domini Johannis sagacitatem continua et salubria domino deo et assistente recipere debeat incrementa. Quocirca universis et singulis dicti monasterii in Kercz subditis tam regularibus quam saecularibus communiter et divisim sub excommunicationis latae sententiae poena districtissime praecipientes mandamus, quatenus eidem domino Johanni de Bornequel et nulli alteri tamquam unico, vero et indubitato abbati dicti monasterii in Kercz et vestro domino oboedentiam et reverentiam condignas exhibeatis [S. 57] censusque debita et alia quae ad ipsam abbatiam sive monasterium pertinent et abbati pro tempore existenti de iure aut consvetudine fieri solent et exhiberi detis, assignetis et exhibeatis effective. In quorumomnium et singulorum fidem et testimonium praemissorum praesentes fieri et nostri parvi secreti in quo arma nostra paterna sculpta suntpropter carentiam maioris abbatialis sigilii fecimus appensione communiri. Datum et actum Cibinii in posteriori parva domo habitationis nobilis viri Johannis Poschauser, in ipsa vigilia gloriosi corporis domini nostri Jesu Christi, anno eiusdem millesimo quadringentesimo quadragesimo, praesentibus nobilibus viris Johanne Poschauser, Francisco Vrsinger, Petro Prall, Urbano de Cibinio et Henrico Regis publicis notariis testibus ad praemissa vocatis specialiter et rogatis.