Urkunde Nr. 2387 aus Band V

Seite im UB:

60-62 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 96.

Druckvorlage:

nach Original

Abdruck als:

Volltext

Sprache:

Latein

---

2387

Kerz 1440 August 28 Der öffentliche Notar Heinrich Regis beglaubigt die Urkunde des Johannes Viselbech von 1439 Nr. »2343, enthaltend die Urkunde des Abtes Michael von Kerz von 1439 Nr. »2342 und die Urkunde des Abtes von [S. 61] Egresch Ladislaus Woski von 1440 Nr. »2379 über die Resignation des Abtes Michael von Kerz zu Gunsten des Johannes von Bornequel.

In nomine domini amen. Anno nativitatis eiusdem millesimo quadringentesimo quadragesimo, die vero vicesima octava mensis Augusti, hora vesperorum vel quasi, indictione tertia, pontificatus sanctissimi in Christo patris et domini nostri domini Eugenii divina providentia papae quarti, anno eius decimo, in ecclesia sive monasterio abbatiae beatae Mariae virginis in Kercz ordinis Cistercensium, Strigoniensis iurisdictionis, ibique in mei notarii publici testiumque infrascriptorum ad hoc specialiter vocatorum et rogatorum praesentia personaliter constitutus reverendus pater dominus Johannes de Bornequel electus et confirmatus abbas praelibati monasterii in Kercz et sacrae theologiae doctor mei notarii publici infrascripti tabellionatus officium implorando certas literas originales et autenticas unum videlicet publicum instrumentum continens modum, formam et causas resignationis et cessionis abbatiae monasterii in Kercz eidem Johanni factae per venerabilem patrem dominum Michaelem olim abbatem ibidem in Kercz et aliam literam continentem confirmationem ipsius domini Johannis abbatis ad abbatiam in Kercz factam per reverendum patrem dominum Ladislaum Woski abbatem monasterii in Egrisch visitatorem et patrem abbatem in Kercz, quarum tenores inferius continentur, produxit et exhibuit requirens me notarium medio meo iuramento, quatenus easdem literas ad me reciperem et ipsarum continentiae diligenter perlegerem exacteque sigilla huiusmodi literis appensa considerarem et ipsas huiusmodi literas de verbo ad verbum exemplarem et publicando transsumerem ita et taliter quod ubicumque hoc praesens publicum instrumentum sive transsumptum huiusmodi literas in se continens fuerit exhibitum sive productum in iudicio vel extra eidem plena fides adhibeatur et integre credatur perinde ac si verae originales literae producerentur, allegans idem dominus Johannes quod propter varia viarum discrimina et alias rationabiles causas ipsas originales literas semper quando necesse esset secum portare nequiret. Unde ego notarius publicus infrasciptus satisfacere volens et iuramento meo ac requisitioni factae ipsas literas ad me recepi diligenter perlegi et sigilla literis huiusmodi appensa exacte inspexi et discussi repperique ipsam literam sive instrumentum resignationis esse quatuor sigillis appensis munita¹⁾ primum et superius fuit vetus et maius abbatiale sigillum ipsius domini Michaelis olim abbatis in Kercz resignatoris et sigillum erat oblongum figura unius abbatis cum baculo et infra figuram unum clipeum in se habens duo candelabra cum candelis sculptas²⁾ literae in circumferentia sonabant: Sigillum domini Michaelis abbatis de Candelis. Secundum sigillum fuit rotundum et habuit in se figuram beatae virginis cum puero super brachium et ex utroque latere unum candelabrum cum candela literae vero in circumferentia sonabant: Sigillum conventus de Candela. Tertium sigillum erat sigillum decanatus Cibiniensis et fuit oblongum. Quartum vero fuit domini Nicolai magistri in artibus plebani Cibiniensis et fuit rotundum. Sigillum vero quod fuit appensum literae confirmationis fuit verum secretum ipsius domini Ladislai Woski abbatis in Egrisch. Nam ego notarius publicus de mandato eiusdem domini Ladislai abbatis et visitatoris hoc suum secretum literae indagatione de literis huiusmodi et sigillis facta comperi in effectum ipsas literas sanas, integras, illaesas, non vitiatas, non cancellatas neque in aliqua parte suspectas et omni vitio ac suspitione carentes et litera resignationis erat scripta per manus honorabilis viri Johannis Viselbech legalis publici et autentici notarii et subscripta et suo signo more publicorum notariorum signata. Quarum literarum originalium tenor [S. 62] sequitur de verbo ad verbum et est talis: (Folgt die Urkunde des öffentlichen Notars Johann Vieslbech von 1439 Nr. »2343). Ideoque ego notarius publicus infrascriptus praemissas literas originales reperiens sanas esse integras et autentice roboratas ipsas ut praemittitur quantum ad resignationis quantum vero ad confirmationis literam ut subsequitur exemplavi et transsumpsi omnia in eis contenta pro posse fideliter et diligenter publicando nihil addendo seu minuendo sed illud dumtaxat quod in eisdem literis continebatur scribendo et in publicam formam redigendo. Acta sunt haec anno, die, mense, hora, indictione et pontificatu quibus supra, praesentibus ibidem honorabilibus et discretis viris dominis Johannis plebano de Kacza, Conrado de Wißensche, priore de³⁾ Schegeswar, Adam comite et iudice in Kercz, Johanne Sutoris de Kercz et pluribus aliis fide dignis testibus ad praemissa et subsequentia vocatis pariter et rogatis. Tenor vero literae confirmationis sequitur et est talis: (Folgt die Urkunde des Abtes Ladislaus Woski von 1440 Nr. »2379).

Vom Schreiber der Urkunde Notarzeichen: Et ego Henricus Regis⁴⁾ clericus⁴⁾ coniugatus Maguntinensis diocesis, concivis civitatis Cibiniensis, publicus sacra imperiali auctoritate notarius quia praefatis requisitioni et allegationi omnibusque aliis et singulis praemissis dum sic ut praemittitur fierent et agerentur una cum praenominatis testibus praesens interfui eaque sic fieri vidi et audivi ideoque hoc praesens publicum instrumentum fidelis mei manu fideliter scriptum desuper confeci et in hanc publicam formam redegi signoque et nomine meis solitis et consuetis signavi in fidem et singulorum praemissorum rogatus et requisitus.

Auf der Rückseite von gleichzeitiger Hand: Resignatio abbatiae de Kercz facta per Michaelem Johanni.


a) Seitenumbruch im Kopfregest.^{^}

1) Hierauf Rasur 0,3 cm.^{^}
2) So Vorlage.^{^}
3) Hierauf gestrichen Clus. ^{^}
4) Über der Zeile. [2x]^{^}