Urkunde Nr. 3103 aus Band VI

Seite im UB:

4

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Abt. I. ba (Stenner, Series latina), Nr. 13.

Druckvorlage:

nach Original

Abdruck als:

Volltext

Sprache:

Latein

---

3103

Gran 1458 Februar 3 Der Gubernator Michael Szilágyi schreibt an Richter und Rat von Kronstadt wegen einer vom Szeklergrafen Oswald von Rozgony an sie abgeführten Geldsumme.

Nos Michael Zylagy de Horogzeg nomine et in persona incliti domini Mathiae electi regis Hungariae eiusdem regni gubernator, vobis prudentibus et circumspectis viris iudicibus, senioribus et iuratis civibus in civitate Brassowiensi et in earum pertinentiis constitutis et existentibus, praesentes visuris. Dicit nobis prudens et circumspectus vir Christoferus concivis vester, quomodo hiis temporibus transactis magnificus Oswaldus de Rozgon, comes Siculorum, per vos quadraginta marcas argenti recipere fuisset ad rationem serenissimi principis domini et domini Ladislai dei gratia Hungariae et cetera regis. Ideo committimus vestris dilectionibus auctoritateque nostrae gubernationis firmissime praecipiendo mandamus, quatenus receptis praesentibus tributum magnifici Oswaldi de Rozgon in civitate habitum occupetis occuparique facere¹⁾ et tamdiu servare velitis, quousque vobis de praemissis quadraginta²⁾ marcis argenti plenam impendet satisfactionem sine defectu. Aliud non facturi in praemissis praesentibus vobis in hac parte attributa. Datum Strigonii feria sexta proxima post festum purificationis beatae Mariae virginis, anno domini millesimo quadringentesimo quinquagesimo octavo.


1) Auf Rasur.^{^}
2) Aus quadragintis gebessert.^{^}