Urkunde Nr. 354 aus Band I

Seite im UB:

331-332

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 191 - Abt. 13: K. A. Mediasch [Parohia Ev. CA Mediaş], Nr. 2.

Druckvorlage:

nach Original

Abdruck als:

Volltext

Sprache:

Latein

---

354

1318 Januar 20 König Karl befreit die Sachsen von Mediasch, Marktschelken und Kleinschelken von der Heeresfolge, setzt ihre Steuerpflicht mit 400 Mark Silber fest und gewährt denselben, sich in Rechtssachen nach Hermannstädter Brauch zu richten.

Karolus dei gratia Hungariae, Dalmaciae, Croaciae, Ramae, Seruiae, Galliciae, Lodomeriae, Cumaniae Bulgariaeque rex omnibus Christi fidelibus tam praesentibus quam futuris praesens scriptum inspecturis, salutem in salutis largitore. Regalis culminis excellentiam sie oportet ad universa regni sui negotia et commoda intendere, ut subditae sibi nationes numero semper et fidelitate augeantur et gratis favoribus a prineipibus praesidentibus foveantur. Proinde ad universorum notitiam harum serie literarum volumus pervenire, quod nos dilectorum et fidelium nostrorum Saxonum de Medyeszeek, Seelk et de Sacheelk et ad easdem pertinentium de bono statu disponentes, volentes ut iidem nostris in temporibus numerositate populi [S. 332] augeantur et in tranquillitate pacis et quietis perfruantur, de consilio praelatorum et baronum regni nostri his gratiis et libertatum praerogativis statuimus perpetuo fruituros, videlicet quod Saxones de sede Medyeszeek, de Seelk et de Sacheelk et universi ad easdem sedes pertinentes ab honore nobiscum exercituandi sint absoluti et exempti. Item a datione victualium et descensuum regalium absolvimus eosdem, tali tamen conditione per ipsos assumpta, ut iidem Saxones de Medyeszeek, de Seelk et de Sacheelk ac universi ad easdem sedes quoquomodo pertinentes singulis annis circa festum beati Martini confessoris quadringentas marcas boni et fini argenti cum pondere Scybiniensi difficultate et occasione qualibet non obstante nobis dare et solvere tenebuntur. Volumus etiam, ut in iudiciis faciendis et causis examinandis, eandem consuetudinem¹⁾ habeant et libertate utantur, qua universitas Saxonum de Scybinyo habere dignoscuntur. In cuius rei memoriam perpetuamque firmitatem praesentes concessimus literas duplicis sigilli nostri munimine roboratas. Datum per manus discreti viri magistri Johannis Albensis ecclesiae praepositi, aulae nostrae vicecancellarii et archidiaconi de Kwkullo dilecti et fidelis nostri, anno domini millesimo trecentesimo decimo octavo, X^o III^o Kalendas Februarii, regni autem nostri anno similiter decimo octavo. Venerabilibus patribus domino Thoma dei gratia Strigoniensis locique eiusdem comite perpetuo, Ladizlao Colocensis aulae nostrae cancellario ecclesiarum archiepiscopis, Stephano Wesprimiensi, Martino Agriensi, Johanne Nitriensi, Agustino Zagrabiensi, Ladizlao Quinqueecclesiensi, Nicolao Jauriensi, Benedicto Chanadiensi, Georgio Syrmiensi, Benedicto Transiluano et Iwanka Waradiensi episcopis ecclesias dei feliciter gubernantibus. Demetrio magistro tavernicorum nostrorum, Dominico palatino, Lamperto iudice curiae nostrae, Petro filio Compoldi, magistro tavernicorum dominae reginae, consortis nostrae carissimae ceterisque nobilibus regni nostri comitatus²⁾ tenentibus et honores.


1) Vorlage: consutudinem. [Abkürzungsstrich über co.] ^{^}
2) Vorlage: comitatibus.^{^}