Urkunde Nr. 3296 aus Band VI

Seite im UB:

127-128

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 157.

Druckvorlage:

nach Original

Abdruck als:

Volltext

Sprache:

Latein

---

3296

Kronstadt 1462 November 5 König Matthias bestätigt die Schenkung von Neudorf und Hopsifen an die Stadt Kronstadt.

Von der Kanzlei: Commissio propria domini regis.

Nos Mathias dei gratia rex Hungariae, Dalmatiae, Croaciae et cetera memoriae commendamus tenore praesentium significantes quibus expedit universis, [S. 128] quod constitutis personaliter in conspectu nostro fidelibus nostris honorabili Johanne magistro artium baccalaureo in decretis plebano ecclesiae parochialis beatae Mariae virginis in hac civitate nostra Brassouiensi fundatae ac circumspectis Gaspar Lang iudice, necnon Georgio Gereb, Petro Byroh et Johanne Crispus dictis iuratis civibus ab una, parte vero ab alia Petro filio quondam Anthonii Sander de Zenthagotha similiter cive dictae civitatis nostrae Brassouiensis, per eundem Petrum filium quondam Anthonii sponte et libere confessum ac relatum extitit hoc modo. Quod quia ipse a civibus et communitate praefatae civitatis nostrae Brassouiensis veluti eius in qua hactenus habitasset habitaretque etiam nunc plurima beneficia et favores suscepisset, iamque nutu divino senio plurimum confectus, non solum haeredum ac fratrum et proximorum solatio orbatus, verum etiam procreando sobolis spe omnino destitutus existeret. Igitur ipse memor praemissorum acceptorum beneficiorum et favorum, quasdam duas villas seu possessiones suas Wyfalw et Komlos, in ideomate vero Theothonico Newdorff et Hopsyfen vocatas, in districtu Brassouiensi inter castrum nostrum Helthwen et oppidum Hylthwesthdorff habitas, simul cum cunctis suis utilitatibus et pertinentiis quibuslibet, terris scilicet arabilibus, cultis et incultis, agris, pratis, pascuis, fenetis, silvis, nemoribus, montibus, vallibus, virgultis, aquis, fluviis, piscinis aquarumque decursibus et locis molendinorum genera liter vero quarumlibet utilitatum et pertinentiarum earundem integritatibus, quovis nominis vocabulo vocitatis ad easdem villas ab antiquo pertinentibus et pertinere debentibus, sub suis veris metis et antiquis praefatis civibus et communitati dictae civitatis nostrae Brassouiensis matura superinde in se praehabita deliberatione dedisset, donasset et contulisset, immo dedit, donavit et contulit, coram nobis iure perpetuo et irrevocabiliter tenendas, possidendas pariter et habendas nullum ius nullamve iuris et dominii proprietatem sibi aut quibuspiam aliis in eisdem villis reservando, sed totum et omne ius ac dominium, quod in eisdem habuisset, in dictos cives et communitatem antefatae civitatis nostrae transferendo. Unde facta huiusmodi fassione ac donatione et collatione supplicaverunt maiestati nostrae humiliter tam ipsi plebanus ac iudex et dicti iurati cives, quam etiam memoratus Petrus filius quondam Anthonii in eorum et aliorum praetactorum universorum civium ac totius communitatis antefatae civitatis nostrae Brassouiensis nominibus, ut nos praemissis fassioni, donationi ac collationi dictarum villarum modo praemisso factis nostrum regium consensum praebere dignaremur pariter et assensum. Nos igitur supplicationibus eorundem regia benignitate exauditis et clementer admissis praemissas fassionem necnon donationem et collationem praescriptarum villarum ratas, gratas et acceptas habendo, eisdem nostrum regium consensum praebuimus, immo praebemus benevolum pariter et assensum, salvis iuribus alienis harum nostrarum quibus secretum sigillum nostrum, quo ut rex Hungarie utimur, est appensum vigore et testimonio literarum mediante. Datum in dicta civitate nostra Brassouiensi in festo beati Emerici ducis, anno domini millesimo quadringentesimo sexagesimo secundo.

Auf der Rückseite von gleichzeitiger Hand: Privilegium super donatione in Newdorff.


a) Die Stelle ist verdruckt 3297 n. 3303. Die Nr. »3297 ist eine Einschaltung. Ansonsten wird für Nr. <vw>3295<vw> und <3298 derselbe Schreiber wie Nr. »3303 festgestellt.^{^}