Urkunde Nr. 3307 aus Band VI

Seite im UB:

137-138

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 217.

Druckvorlage:

nach Original

Abdruck als:

Volltext

Sprache:

Latein

---

3307

Mühlbach 1462 Dezember 13 König Matthias trägt dem Hermannstädler Rat auf, für das beim Rat hinterlegte und von ihm um 300 Goldgulden weiterverkaufte Kupfer volle Entschädigung zu leisten.

Von der Kanzlei: [Relatio]¹⁾ Benedicti de Thwrocz [ianit]¹⁾orum magistri.

Mathias dei gratia rex Hungariae, Dalmaciae, [ ]²⁾ prudentibus et circumspectis viris magistro civium ac iudici et iuratis ceterisque [civibus]³⁾ civitatis nostrae Cibiniensis salutem et gratiam. Exponit nobis fidelis [ ]⁴⁾ Cibiniensem admodum gravis querelae, quomodo alias quondam [ ]⁵⁾ genitor ipsius exponentis certum cuprum ad valorem tricentorum florenorum auri sc ex [ ]⁶⁾ civitate nostra Cibiniensi in medium scilicet vestri apud manus fid [as]⁷⁾ causa conservationis deposuisset [et tandem vos]⁸⁾ huiusmodi cuprum pro dictis tricentis florenis auri vendidissetis et de eisdem memorato ex[ponenti]⁹⁾<fnz>satisfactionem impendere recusassetis et recusaretis etiam de praesenti in suum praeiudicium atque dampnum valde magnum. Et quia unicuique, quod suum est iustitia reddi requirit, ideo fidelitati vestrae harum serie firmiter praecipientes mandamus ita omnio habere volentes, quatenus statim visis praesentibus ampliori nostro mandato superinde exspectato occasioneque ac dilatione quibuslibet remotis de et super praefatis tricentis florenis auri memorato exponenti plenam et omnimodam satisfactionem impendere debeatis et teneamini. Alioquin commisimus et praesentibus strictius committimus fidelibus nostris magnifico et egregiis Johanni Pangracz de Dengeleg wayvodae Transilvano ac Michaeli Zekel et Stephano de Hederfa comitibus vestris, ut ipsi scita praemissorum certitudinis veritate vos et quemlibet vestrum ad praemissa facienda artius compellant et astringant, auctoritate nostra ipsis praesentibus in hac parte attributa et iustitia mediante. Praesentibus perlectis exhibenti restitutis. Datum in Zazsebes in [S. 138] festo beatae Luciae virginis, anno domini millesimo quadringentesimo sexagesimo secundo.

<fnzt>1) Lücke 16 mm. [2x]</fnzt> <fnzt>2) Lücke 75 mm.</fnzt> <fnzt>3) Lücke 78 mm.</fnzt> <fnzt>4) Lücke 86 mm.</fnzt> <fnzt>5) Lücke 90 mm.</fnzt> <fnzt>6) Lücke 39 mm.</fnzt> <fnzt>7) Lücke 6 mm.</fnzt> <fnzt>8) Lücke 21 mm.</fnzt> <fnzt>9) Lücke 10 mm.</fnzt>