Urkunde Nr. 3344 aus Band VI

Seite im UB:

162-163

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 144 (Liber promptuarii capituli Braschowiensis), fol. 189 verso - 190 recto.

Druckvorlage:

nach Abschrift

Abdruck als:

Volltext

Sprache:

Latein

---

3344

Kronstadt 1464 Januar 6 Prior Thomas Siculus, Subprior Udalricus von Frauenbach / Baia Mare und der Kronstädter Dominikanerkonvent urkunden über die Schenkung eines Grundes und eines Fischteiches durch Simon Clomp und Christian Rod zugunsten des Klosters und die dafür zu haltenden Messen.

Universis et singulis ad quos praesentes pervenerint cupimus fore notum, quod nos frater Thomas Syculus sacrae paginae lector et praedicator generalis ac vicarius Transsiluanensis et prior et subprior frater Vdalricus de Ryuulo dominarum ceterique fratres et patres et totus conventus Coronensis fratrum ordinis praedicatorum provinciae Hungariae publice recognoscimus et fatemur tenore praesentium pro nobis et successoribus nostris, quod venerabiles et providi viri Symon Clomp et Christianus Rod vocitati cives civitatis annotatae deo devoti et singularem ad ordinem et conventum nostrum sanctorum Petri et Pauli apostolorum gerentes favorem et devotionem dederunt et contulerunt nobis nostrisque successoribus et dicto conventui singulari ex pietate et misericordia et pro animarum suarum refrigerio et suffragio speciali perpetuo quoddam praedium sive allodium in fine civitatis praehabitae in clino montis castri alias Burchhals dicto situatum et fundatum, cum omnibus suis pertinentiis videlicet horto, piscina, horreo, stabulis et ceteris officinis et quandam aliam piscinam parvam inter duos muros et inter murale civitatis in latere portae Swarczgas versus castrum et castro contiguam illa perpetue habenda et possidenda talem in finem et ob id, quod pro ipsorum Symonis et Cristanni praedictorum et uxorum ac liberorum et omnium successorum et progenitorum nos saepedicti fratres successoresque nostri eisdem obligaremur ex debito perpetuis temporibus quolibet die pro eis et omnium suorum salute legere unam missam quae inter alias missas in praefato conventu celebrandas esset prima. Et hoc in altari sancti Nicolai iuxta cursum et communem ecclesiae consuetudinem tali conditione interposita, quod cum deo placuerit et aliquem ex ipsis duobus videlicet Symonem vel Cristannum mori contingerit, ex tunc a die obi-[S. 163] tus et sepulturae eorum per totum illum annum in quo mortis debitum exsolverunt pro quolibet eorum missae pro defunctis cantentur, et dies obitus et sepulturae cuiuslibet eorum in kalendario benefactorum ordinis nostri connotetur et suo in tempore singulis annis coram fratribus et conventu recitetur et pronuntietur. Et tali die fiant eis e pro quolibet eorum singularia pro defunctis suffragia secundum ordinis nostri consuetudinem et in casu quod absit si ipsa missa perpetuata cessaret et minime per amplius more solito diceretur et continuaretur, tunc iudex et iurati cives pro tempore existentes praehabitae civitatis liberam habeant facultatem ipsis fratribus dictum praedium seu allodium aufferendi et aliis secundum quod eis visum fuerit pro consimili usu pietatis dispensandi. Quosquidem iudicem et iuratos cives ipsi Symon Clomp et Cristannus Rod in hac parte requirunt et volunt esse patronos et speciales superintendentes quos etiam hortantur in domino, quod non consentiant, quod nos fratres antefatum allodium vel ad ipsum pertinentia quovis vel¹⁾ argumento a nobis vel ab ipso conventu valeamus alienare vel vendere vel illius occasione missa dicta perpetualis cessaret et per amplius non exequeretur. In quorum omnium robur et testimonium evidens et perpetuum nostra sigilla videlicet prioris et conventus pro nobis et successoribus nostris duximus praesentibus appendenda. Datum in Corona in die Epyphaniarum domini, anno domini millesimo quadringentesimo sexagesimo quarto.


1) So Vorlage.^{^}