Urkunde Nr. 3356 aus Band VI

Seite im UB:

169-170 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 144 (Liber promptuarii capituli Braschowiensis), fol. 189 verso - 190 recto.

Druckvorlage:

nach Abschrift

Abdruck als:

Volltext

Sprache:

Latein

---

3356

Kronstadt 1464 April 3 Petrus, Pleban von Weidenbach und Burzenländer Dechant, bestätigt für die Kronstädter Simon Clomp und Christian Rod die Urkunde des Priors Thomas Syculus und des Udalricus von Frauenbach / Baia Mare von 1464 Nr. »3344 über die Schenkung eines Grundes und eines Fischteichs an das Dominikanerkloster in Kronstadt. [S. 170]

Petrus plebanus de Wydenbach ac decanus Brasschouiensis universis et singulis has literas nostras inspecturis reverentiam et omnem honorem cum caritatis affectu. Noveritis quod circumspecti et providi viri Symon Clomp et Cristannus Rod cives civitatis Brassouiensis nostri venientes in praesentiam quasdam literas religiosorum et deo devotorum fratris videlicet Thomae Syculi sacrae paginae lectoris praedicatoris generalis et vicarii Transsiluanensis prioris et fratris Vdalrici de Ryuulo dominarum subprioris necnon et totius conventus Coronensis fratrum ordinis praedicatorum appensione sigillorum dictorum prioris et conventus signatas infrascripti tenoris nobis exhibuerunt, petentes devota cum instantia ut easdem literas ac illarum continentias, articulos et clausulas quo ad omnia approbare, ratificare et confirmare ac nostris literis de verbo ad verbum inseri facere dignaremur. Quarum tenor sequitur et est talis. (Folgt die Urkunde des Thomas Siculus und Udalricus von 1464 Nr. »3344). Nos igitur huiusmodi supplicationibus praefatorum Symonis et Cristanni tamquam iustis et rationalibus paterna inclinati benignitate praefatas literas dictorum fratrum et conventus Coronensis sanas et integras non vitiatas non cancellatas non abrasas sed omni prorsus vitio et suspitione carentes quo ad omnes earum continentias clausulas et articulos ratas habentes et gratas et praesentibus literis nostris de verbo ad verbum inserentes acceptamus, ratificamus, approbamus et ex vera nostra scientia auctoritate nostra ordinaria confirmamus. In quorum fidem et testimonium praesentes literas nostras sigilii nostri capituli maiori iussimus appensione communiri. Datum Brasschouiae die tertia mensis Aprilis, anno domini millesimo CCCC^mo sexagesimo quarto.


a) Seitenumbruch nach Kopfregest.^{^}