Urkunde Nr. 378 aus Band I

Seite im UB:

349

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 1832.

Druckvorlage:

nach Original

Abdruck als:

Volltext

Sprache:

Latein

---

378

1320 Juli 15 Das Weissenburger Kapitel beglaubigt die Urkunde des Königs Karl von 1313 Nr. »335 betreffend Rothkirch und Gergeschdorf.

Capitulum ecclesiae Transsiluanae omnibus Christi fidelibus praesentem paginam inspecturis salutem in omnium salvatore. Ad universorum notitiam tam praesentium quam futurorum harum serie volumus pervenire, quod Nicolaus filius comitis Danielis de Kelnuk pro se et pro ipso comite Daniele patre suo ac Nicolaus filius Salomonis de eadem ad nostram personaliter accedentes praesentiam exhibuerunt nobis privilegium domini Karoli illustris regis Hungariae super emptione terrarum seu possessionum Verusyghaz et Geregurfaya vocatarum confectum petentes nos cum instantia, ut ipsum privilegium ad cautelam transscribi faceremus et sigillo nostro communiri eo, quod propter impacati temporis qualitatem et discrimina viarum et alios casus fortuitos ubi ipsum privilegium deberent exhibere in specie transmittere vel praesentare formidarent. Cuius privilegii tenor talis est. (Folgt die Urkunde des Königs Karl ron 1313 Nr. »335.) Nos igitur petitionibus ipsorum iustis et licitis ac legitimis annuentes quia ipsum privilegium comperimus integrum in charta et sigillo et non cancellatum, non abrasum, non abolitum nec in aliqua sui parte vitiatum tenorem eiusdem privilegii de verbo ad verbum praesentibus transscribi fecimus et sigillo nostro authentico consignari. Datum in festo divisionis apostolorum, anno domini M^o. C^o C^o C^o. vigesimo.