Urkunde Nr. 381 aus Band I

Seite im UB:

352-353

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

381

Bei Vajasd 1321 Juli 13 Benedikt, Bischof von Csanad, und Iwanka, Bischof von Grosswardein, beglaubigen die Urkunde des Priors und Konventes von Kolozsmonostor von 1321 Nr. »279 und bezeugen, dass der Vizewoiwode Chelleus sich und seine Söhne zur Rückgabe der Burg Zaadkeu an das Weissenburger Kapitel verpflichtet hat.

Benedictus miseratione divina episcopus Chenadiensis et Iwanka dei gratia episcopus Waradiensis universis Christi fidelibus praesens scriptum inspecturis salutem in omnium salvatore. Ius postulat et consentaneum fore dignoscitur rationi, ut humanorum actuum effectus, quibus longitudo temporis oblivionis caligine novercari consuevit, instrumentorum fidei commendentur et scripturis authenticis in perpetuam rei memoriam solidentur. Proinde ad universorum notitiam tam praesentium quam futurorum harum serie volumus pervenire, quod constitutis coram nobis nobili viro Chelleo vaivoda¹⁾ filio Chellei de Trozkou de genere Akus pro se et Stephano, Johanne, Akus, Gregorio²⁾ ab una parte et discretis viris magistro Nicolao praeposito ecclesiae Albensis Transsiluanae ac magistro Adriano archidiacono de Kezdi pro discretis viris toto capitulo eiusdem ecclesiae Transsiluanae ex altera cum literis procuratoriis praedictorum filiorum ipsius Chellei vaivodae, sub sigillo conventus de Clusmonostora confectis, in haec verba. (Folgt die Urkunde des Priors und Konventes von Kolozsmonostor von 1321 Nr. »279.) Idem Chelleus vaivoda nomine suo et nomine filiorum suorum praedictorum confessus est oraculo vivae vocis propriae, quod castrum Zaadkeu vocatum, quod ipse Chelleus vaivoda et filii sui praenominati [S. 353] haberent et retinerent, esset et fuisset et nunc est castrum et possessio ipsius capituli ecclesiae Transsiluanae et ipsi capitulo tamquam proprietatem eorundem usque modo reservassont et infra duos annos futuros adhuc ex commissione ipsius capituli pro eodem capitulo reservarent atque retinerent, et elapsis ipsis duobus annis et completis eidem capitulo ipsum castrum Zaadkeu tamquam proprietatem eorundem, ut idem Chelleus vaivoda nomine suo et nomine filiorum suorum praedictorum assumpsit coram nobis, reddere et restituere tenerentur occasione et contradictione qualibet non obstante. Tali poena et obligatione interiecta, quod si ipsis duobus annis elapsis a data praesentium ad petitionem ipsius capituli Transsiiuani saepe fatum castrum Zaadkeu eidem capitulo reddere et restituere negligerent atque recusarent, ex tunc sententiam excommunicationis, quam ex nunc idem Chelleus vaivoda spontanea voluntate in se et in filios suos recepit et ad hoc se obligavit, incurrerent et omnes possessiones suae ecclesiastico subiacerent interdicto ipso facto, hac excommunicatione et ipso interdicto non absolverentur, donec ipsum castrum ad manus ipsius capituli Transsiluani restitueretur per eosdem. In cuius rei memoriam ad instantiam et petitionem partium praedictarum literas nostras praesent[es authentici] sigilli nostri pendentis munimine roboratas. Datum circa villam Woyosd in partibus Transsiluanis, in festo beatae Margaretae virginis, [anno domini M^o.] C^o C^o C^o. [vige]simo primo.


1) Richtig: vicevaivoda. Chelleus ist sonst als siebenbürgischer Vizewoiwode bezeugt, so zu dem Jahr 1303, Nr. 299, zu dem Jahr 1314 nach Kemény Diplom, supplem. I, 171. 1320 wird Dousa, Deseu, 1321 und in den folgenden Jahren Thomas als Woiwode von Siebenbürgen genannt. Sieh Nr. »370, »372 und »375, ferner Kemény Diplom. I, 199 und 200.^{^}
2) Hierauf durchgestrichen: et Mychaele archidiacono de Clus.^{^}