Urkunde Nr. 3481 aus Band VI

Seite im UB:

254

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 83.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3481

Bistritz 1466 September 2 Der Rat von Bistritz schaltet die Urkunde des Klausenburger Rats von 1466 Nr. »3468 betreffend den Streit zwischen zwei Klausenburger Bürgern ein und legt den Fall dem Hermannstädter Rat zur Entscheidnung vor.

Prudentibus et circumspectis viris magistro civium et iuratis consulibus civitatis Cibiniensis dominis amicis et fautoribus nobis sincere honorandis iudex et iurati cives civitatis Bystriciensis. Prudentes et circumspecti viri domini amici et fautores nobis sincere honorandi. Noveritis quod hiis proximis retroactis diebus quaedam causa litis materiam in se continens inter circumspectos Symonem Fabrum civitatis Coluswar commansorem uti actorem ab una et Nicolaum Petri Mathiae civem civitatis Coluswar praedictae coniuratum partibus ex altera veluti in causam attractum coram prudentibus et circumspectis iudice et civibus iuratis civitatis Coluswar praefatae mota ventilata et acticata et per eosdem iudicem et iuratos cives sententialiter diffinita tandemque ambarum partium ex voluntate pro ulteriori inquisitione facienda ipsa causa cum singulis suis emergendis per viam legitimae appellationis more quo decuit ad sedem nostram iudiciariam provocata et appellata extitit per omnia in haec verba: (Folgt die Urkunde des Klausenburger Rates von 1466 Nr. »3468.) Unde nos literis huiusmodi visis perceptis et clare intellectis ipsam causam ad sedem nostram iudiciariam sic ut praemittitur provocatam iuxta nostrae civitatis iura deum et eius iustitiam prae oculis habentes sententialiter duximus diffiniendum et pronunciandum dato quod annotatus Simon causae actor in huiusmodi causa nepharia videlicet subtractorum bonorum celatione incusatus sufficienti testimonio iuxta iuris exigentiam convictus et tandem sententiatus fuisset et in hoc veniam prosequens gratiose liberatus fuisset et post temporis intervallum dictam causam renovare et iudiciali strepitu innovare sumpsisset. Ex tunc praememoratus actor in una costa lateris iuxta sententiam iuratorum civium hoc modo latam erga praelibatum Nicolaum in causam attractum convictus extitisset; sed ex quo vestris in literis huiusmodi criminis ut praefertur sufficiens testimonium iure literale tenere videlicet, quomodo per quem aut per quos in tali vitio idem actor comprobatus aut convictus foret reperiri nequivimus. Ob id dictum Simonem ab ipsa causa libertamus, quittamus et absolvimus per praesentes. De quoquidem iudicio et sententia nostra diffinitiva partes ambas literis aliis Coluswariensibus mediantibus intelleximus iterum minimum contentas ipsam causam cum singulis suis condependentiis ad vestras provocaverunt prudentias quas diligenter rogamus hortantes, quatenus iustitiae intuitu praenotatam causam in vestri medio iuxta civitatis vestrae iura discutientes prout melius vobis fuerit visum sententialiter terminare dignemini et velitis. Datum Bystriciae feria tertia proxima post Egidii confessoris, anno domini millesimo quadringentesimo sexagesimo sexto. [S. 255]