Urkunde Nr. 3516 aus Band VI

Seite im UB:

273-274 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

3516

Hermannstadt 1467 Januar 30 Der Hermannstädter Rat schaltet die Urkunde des Bistritzer Rates von 1466 Nr. »3481 mit der Urkunde des Klausenburger Rates von 1466 Nr. »3468 über die Streitsache zwischen Nikolaus, dem früheren [S. 274] Richter von Klausenburg, und Simon Faber ein und legt sie den Sieben Stuhlen zur Entscheidung vor.

Egregii, prudentes et circumspecti viri domini et fratres semper honorandi. Noveritis quod cum nos die datarum praesentium in consistorio nostro iuxta solitum pro tribunali pariter consedissemus, comparuerunt coram nobis personaliter Symon Faber commansor civitatis Coluswar ut actor ab una, ac circumspectus Nicolaus Petri Mathie alias iudex eiusdem civitatis Coluswar veluti in causam attractus ac exhibuerunt et praesentarunt nobis literas sententiales et appellationales prudentum et circumspectorum virorum iudicis et iuratorum civium civitatis Bystriciensis in causa subscripta clauso emanatas literas sententiales et appellationales iudicis et iuratorum civium praedictae civitatis Coloswar in se continentes tenoris per omnia infrascripti (Folgt die Urkunde des Bistritzer Rates von 1466 Nr. »3481 mit der Klausenburger Urkunde von 1466 Nr. »3468). Quibus quidem literis sententialibus et appellationalibus iudicum et iuratorum civium civitatis Bystriciensis et Coluswariensis modo praemisso nobis in praenarrata causa exhibitis et praesentatis receptis coram nobis interpretatis et bene intellectis et nos per hanc nostram diffinitivam sententiam dicimus et declaramus, quod ex quo antelatus Nicolaus Petri Mathiae in causam attractus per iudicem et duos iuratos cives de Thwere primo et tandem per septem iuratos cives praetactae civitatis Coluswar legitime et realiter ut praescribitur comprobavit quod ipse adversarius et actor eiusdem Simonis Fabri non extitit sed iudex prout etiam idem Symon Faber per se uti in praedictis literis iudicis et iuratorum civium de Coluswar exprimitur fassus extitit videlicet, quod quidem homo de Thwere pelliciatus penes ipsum stetisset et dixisset ego sum adversarius tuus et actor ipsum Nicolaum Petri Mathiae in hac causa ab ulteriori infestatione, inquietatione et iudiciaria instantia eiusdem Symonis Fabri quittum liberum reddimus et pronunciamus per omnia absolutum. De quaquidem sententia nostra diffinitiva praefatus Symon Faber minime contentus in praesentiam vestri iuxta antiquam consuetudinem illico appelavit ad proximam iudiciariam congregationem vestram circa festum pentecostes proxime affuturum hic Cibinii celebrandam. Datum feria sexta proxima ante festum purificationis beatae Mariae virginis gloriosae, anno domini M^o CCCC^o LXVII^mo.

Magister civium et iurati consules
civitatis Cibiniensis.

Auf der Rückseite Adresse: Prudentibus et circumspectis viris iudicibus et iuratis senioribus septem sedium Saxonicalium partium Transsiluanarum dominis atque fratribus nostris honorandis.

<re>Appellatoria. </re>


a) Seitenumbruch im Kopfregest.^{^}