Urkunde Nr. 3611 aus Band VI

Seite im UB:

336

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 36 393 44 Nr. 3.

Druckvorlage:

nach Abschrift

Abdruck als:

Volltext

Sprache:

Latein

---

3611

1468 April 30 Der Konvent von Kolozsmonostor beglaubigt das Testament der Klausenburger Witwe Margarethe Sleyfer.

Conventus monasterii beatae Mariae virginis de Colosmonostra omnibus Christi fidelibus tam praesentibus quam futuris praesentem notitiam habituris salutem in omnium salvatorem. Quoniam inter humanos actus ea praecipue opera, quae in laudem dei et honorem sanctorum pie salute largirentur animarum, sagax humana constituit ratio literarum patrocinio roborare. Proinde ad universorum notitiam harum serie volumus pervenire, quod provida ac honesta domina Margaretha vocata, relicta circumspecti viri Johannis Sleyfer condam civis civitatis Coloswar ab una parte, siquidem ex alia discretus vir Bartholomeus, presbiter capellanus ecclesiae parochialis beati Michaelis archangeli in dicta civitate Coloswar fundatae; coram nobis personaliter constituti praefata domina Margaretha ex bono maturoque et deliberato animo in se praehabito ministerio vivae vocis spontaneaque sua voluntate confessa extitit in hunc modum: Quod ipsa animo attendente perspicace quoque caduca sit hominis vita et labilis praesens nimium aetas oppressaque mens ignorantiae excitatae, nisi divino fuerit illustrata lumine nequit ad superna anhelare ne repentine et inopinate mortis articulo superveniente intestata decederet, bona sua mobilia et imobilia invalitura distraherentur et dilapidarentur. Ideo ipsa talem edidisset testamentariam dispositionem perpetuis futuris temporibus inviolabiliter et irrevocabiliter duraturum: Quod primo consideratis probitate morum, venustate laudabili conversationis ac vila salubri Bartholomei presbiteri praefati, quibus idem divinitus et humanitus limpide insignitur, ipsum veluti benemeritum in filium suum adoptivum elegisset et recepisset ac heredem universorum bonorum suorum constituisset¹⁾, domum suam in veteri castro dictae civitatis Coloswar in vicinitatibus providorum Anthonii Hencz ab una ex altera vero partibus Johannis Halzel situatam. Item duo iugera vinearum in promontorio Thropemberg vocato in vicinitate vinearum ex uterque parte honestae dominae, relictae Valentini Heueng de dicta civitate Coloswar aducendo ac²⁾ universas res et quaelibet bona sua tam mobilia quamque immobilia necnon domorum clenodia et utensilia quovis nominis vocabulo vocitata ipsam dominam quorumcumque tangentes et concernentes, demptis solummodo vestimentis suis muliebribus tam in³⁾<fnz>vita quam post mortem ipsius dominae praefato Bartholomeo presbitero tamquam vero legitimo successore ac heredi suo perpetuo et irrevocabiliter reliquisset et commisisset, immo reliquit et commisit coram nobis tenendum, possidendum pariter et habendum; manusque suas et universas etiam et quaslibet testamentarias dispositiones per ipsam dominam quovismodo prius factas et editas eadem domina publice et manifeste revocavit coram nobis literasque superinde sub quibuscumque formis verborum coram quibusvis emanatas et emanari procreatas cassas, vanas, inanes viribusque carituras relinquentes. In cuius rei memoriam firmitatem perpetuam praesentes literas nostras privilegiales pendenti ac autentici sigilii nostri minime roboratas duximus concendas. Datum sabbato proximo ante festum beatorum Philippi et Jacobi apostolorum, anno domini 1468. [S. 337]

<fnzt>1) Hierauf gestrichen eidemque.</fnzt> <fnzt>2) Hierauf gestrichen quaelibet bona.</fnzt> <fnzt>3) Hierauf gestrichen morte. </fnzt>