Urkunde Nr. 3851 aus Band VI

Seite im UB:

485-486

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden 50.

Druckvorlage:

nach Original

Abdruck als:

Volltext

Sprache:

Latein

---

3851

Ofen 1471 März 12 König Matthias weist alle Würdenträger und Rechtsinhaber des Reiches an, die Bewohner der Städte Desch und Ocna Dejului in ihrer Zollfreiheit zu schützen.

Von der Kanzlei: De commissione domini regis.

Mathias dei gratia rex Hungariae, Bohemiae et cetera fidelibus nostris universis et singulis praelatis, baronibus, comitibus, castellanis, nobilibus ipsorumque officialibus, item civitatibus, oppidis et villis earumque rectoribus, iudicibus et villicis, cunctis etiam alterius cuiusvis status et conditionis hominibus, necnon tributariis et loca tributorum tenentibus, tam nostris regalibus et regina- [S. 486] libus quam etiam aliorum quorumcumque in terris et super aquis ubilibet intra ambitum huius regni nostri Hungariae exigi solitis, nunc constitutis et in futurum constituendis praesentium notitiam habituris salutem et gratiam. Relatum est nobis per fideles nostros circumspectos iudices iuratosque cives civitatum nostrarum Dees et Akna vocatarum in eorum ac totius communitatis earundem civitatum personis, quod licet ipsi antiqua eorum libertate per divos reges Hungariae, nostros scilicet praedecessores, et etiam per nos eis concessa requirente ab omni tributaria solutione de rebus et mercibus eorum facienda semper et ab antiquo exempti et usque in hoc tempora eadem libertate usi fuerint et gavisi. Tamen quia hiis disturbiorum temporibus in plerisque locis tributorum in iuribus eorum per nonnullos indebite turbati et vexati ac ad solutionem tributi contra praemissas antiquas eorum libertates de rebus et mercibus eorum faciendam violenter compulsi fuissent etiam modo ad id faciendum compellerentur et artarentur in praeiudicium libertatis eorum et damnum manifestum. Unde supplicatum est maiestati nostrae in personis praefatorum civium et communitatum dictarum civitatum nostrarum Dees et Akna humiliter, ut eis circa praemissa de oportuno remedio providere dignaremur.Et quia nos ex literis et privilegiis condam excellentissimorum principum divorum scilicet regum Hungariae praedecessorum nostrorum et signanter condam domini Karoli¹⁾, similiter regis Hungariae, sigillo suo dupplici impendenti communitis, privilegium condam domini Andreae,²⁾, consimiliter regis Hungariae confirmative in se habentibus, coram nobis in specie productis, memoratos cives et incolas praetactarum civitatum nostrarum in³⁾ certis³⁾ locis³⁾ tributorum ab omni tributaria solutione exemptos esse comperimus. Igitur nos tum hiis respectibus tum vero consideratis fidelibus servitiis eorundem civium et incolarum earundem civitatum nostrarum per eos praedecessoribus nostris regibus et etiam nostrae maiestati in praeparandis navibus et deferendis salibus nostris regalibus in terris et super aquis exhibitis eosdem cives et incolas dictarum civitatum nostrarum Dees et Akna universos pro tempore constitutos simulcum rebus et mercibus ipsorum iuxta vim et formam privilegiorum ipsorum praedictorum a modo deinceps perpetuis temporibus³⁾ in³⁾ praescriptis³⁾ locis³⁾ tributorum³⁾<fnz>ab omni tributaria solutione exemptos esse declaramus, mandantes fidelitati vestrae et cuiuslibet vestrum firmiter, quatenus a modo in posterum temporibus successivis universis a praefatis iudicibus, iuratis ceterisque civibus ac hospitibus, mercatoribus et incolis praetactarum civitatum nostrarum Dees et Akna ipsorumque mercantiis ac rebus et bonis, dum ad loca tributorum huiusmodi accesserint, contra praemissas antiquas eorum libertates, in quantum eas habent, nullum tributum nullamve tributariam solutionem petere et exigere petique seu exigi facere praesumatis, sed sinite eos et eorum quemlibet absque tributaria exactione ad loca, quo maluerint, accedere et proficisci. Alioquin committimus fidelibus nostris praesentibus et futuris comitibus vel vicecomitibus et iudicibus nobilium illorum comitatuum, in quibus contra libertates praefatorum civium nostrorum tributum exigeretur, ut ipsi scita prius superinde mera veritate vos et quemlibet vestrum ad praemissa observanda etiam per gravamina vestra in talibus fieri solita artius compellant et adstringant, auctoritate nostra praesentibus ipsis in hac parte attributa et iustitia mediante. Secus ergo facere non ausuri. Praesentes autem quas secreto sigillo nostro, quo ut rex Hungariae utimur, impendenti communiri fecimus, post earum lecturam semper reddendo praesentanti. Datum Budae in festo beati Gregorii papae, anno domini millesimo quadringentesimo septuagesimo primo, regni nostri anno quartodecimo, coronationis vero septimo. [S. 487]

<fnzt>1) Ub. I, Seite 298 Nr. »323.</fnzt> <fnzt>2) Ub. I, Seite 169 Nr. »239.</fnzt> <fnzt>3) Darüber Rasur. [8x]</fnzt>