Urkunde Nr. 1805 aus Band IV

Seite im UB:

31-33 ^a)

Heute in:

Kronstadt, Archiv der Honterusgemeinde

Heutige Signatur:

IV E (Honterusgemeinde, Urkunden), Nr. 82.

Druckvorlage:

nach Original

Abdruck als:

Volltext

Sprache:

Latein

---

1805

Konstanz 1417 März 21 König Sigmund befiehlt der Gemeinde Rotbach, den Bewohnern von Marienburg für den ihnen zugefügten Waldschaden Genugtuung zu leisten.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Dalmaciae, Croaciae et cetera rex fidelibus nostris iudici, iuratis ac universis civibus populis et hospitibus civitatis nostrae Weresmorth¹⁾ salutem et gratiam. Pro parte fidelium nostrorum iudicis, iuratorurn et universorum civium civitatis nostrae Feuldwar²⁾ gravi cum querela nostrae datur intelligi maiestati, quomodo vos alias non modi- [S. 32] cam partem silvarum ad eandem civitatem Feuldwar¹⁾ spectantium propria vestra temeritate²⁾ et nulla legitima causa accedente succidi et ligna asportari fecissetis et, dum porrecta nostrae celsitudini super eiusdem silvae succisione querimonia a culmine nostro literas mandatorias, ut de eisdem lignis succisis et asportatis ipsis condignam satisfactionem impendere deberetis, obtinuissent et easdem vobis exhibuissent, vos ausu temerario et sinistro³⁾ motu ducti in praefatorum civium nostrorum de Feuldwar¹⁾ praeiudicium, immo praedictorum nostrorum regalium mandatorum contemptum praedicta ligna succisa et educta dissimulatorie et subsannative velle solvere asserentes, supra dictae totius silvae ligna prius nondum succisa prorsus et omnino succidi et succisa ligna ad vestri beneplacitum deduci fecissetis non modica et quasi irrecuperabilia damna eisdem nostris civibus inferentes. De quo non sufficimus admirari, cum vos⁴⁾ mandata nostra regalia, quae utique effectum erga vos digne sortiri debebant, parvipendentes malis mala accumulare et temeraria praesumptuositate peiora committere attemptastis. Et quia nos praemissa sic tacite pertransire non volumus, vestrae igitur universitatis et cuiuslibet vestrum fidelitati regio nostro sub edicto praesentium serie vicibus replicatis et ex superabundanti firmissime praecipimus et mandamus, quatenus habita praesentium notitia ab huiusmodi iniquo et rebellionis animo desistentes supra dictis nostris civibus de Feuldwar⁵⁾ super dictis lignis primitus succisis per vos et asportatis, quae ad valorem duorum millium florenorum auri se extendere asseruntur, ac etiam de aliis iam ultimo ut praemittitur succisis et eductis plenam et omnimodam satisfactionem impe[ndere et] exhibere debeatis. Quae⁶⁾ si feceritis benequidem, alioquin praesentium serie firmiter committimus fideli nostro dilecto magnifico Michaeli filio Salomonis de Nadasd⁷⁾ Siculorum nostrorum comiti, ut ipse vos ad praemissa facienda habita certa veritate super eisdem artius compellat et astringat. Et si idem fortasse aliis agendis praepeditus praemissis intendere nequiverit aut remissus seu tepidus circa eadem fuerit, ex tunc similiter harum serie per magnificum Nicolaum de Chaak partium nostrarum Transsiluanarum vaivodam eiusque vicevaivodas constitutos et constituendos vos ad praemissa facienda et ad nostrorum mandatorum observantiam rigidius compelli volumus et mandamus. Aliud non facturi, ne praetextu transgressionis nostrorum edictorum regalium vos poenas et damna incurrere contingat graviora. Praesentes post lecturam reddi iubemus praesentanti. [S. 33] Datum Constantiae, in dominica Letare, anno domini MCCCCXVII, ¹⁾ regnorum nostrorum anno Hungariae et cetera tricesimo, Romanorum vero septimo.

Auf der Rückseite von einer Hand des 15. Jahrhunderts: Datum Constancie anno XVII^o praeceptoria ad Ruffomonte²⁾.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 31, 1-7 auf S. 32, 1-2 auf S. 33 (dortige 3-6 zu nachfolgender Urkunde).^{^}
[S. 31]
1) Insert: Veresmarth.^{^}
2) Ebenda: Ffewldwar.^{^}
[S. 32]
1) Ebenda: Ffewldwar. [2x]^{^}
2) tеmе auf Rasur. ^{^}
3) Vorlage: sinistra.^{^}
4) Über der Zeile nachgetragen. ^{^}
5) Insert: Ffeuldwar.^{^}
6) Ebenda: qui.^{^}
7) Ebenda: Salamonis de Nadas.^{^}
[S. 33]
1) Insert: ausgeschrieben.^{^}
2) Über der Zeile nachgetragen; auf der Zeile: Helwltwin durchgestrichen.^{^}