Urkunde Nr. 446 aus Band I

Seite im UB:

402-403 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Familienarchiv Wass, Czege [Wass csalad].

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

446

Thorenburg 1326 Mai 3 Woiwode Thomas beglaubigt die Urkunde des Weissenburger Kapitels von 1326 Nr. »445 mit seiner eigenen Urkunde von 1326 Nr. »443 betreffend die Grenzbegehung von Szentgothard, Czege, Szentiván und Szászszilvás und erklärt den von den Deutschen von Szék dagegen erhobenen Einspruch für nichtig.

Thomas vaivoda Transsiluanus et comes de Zonuk omnibus Christi fidelibus praesentibus et futuris praesens scriptum inspecturis salutem in omnium salvatore. Ad universorum notitiam harum serie volumus pervenire, quod cum comes Nicolaus filius Eymuch dictus Vos ad nostram personaliter accedens praesentiam humili precum instantia nos petivisset, ut possessiones suas Scenthgothart, Chege, Scentyuan et Zcyluas²⁾ vocatas in comitatu de Dubuka existentes iuxta veteres metas reambulari et in eisdem possessionibus loco antiquarum metarum novas metas erigi faceremus, tandem volentes iuxta bonam regni consuetudinem iuri consonam et ab antiquo approbatam in earundem possessionum reambulatione et metarum erectione votis eiusdem comitis Nicolai debito occurrere cum favore, scripsimus discretis viris capitulo ecclesiae Transsiluanae amicis nostris reverendis, ut suum darent testimonium fide dignum, coram quo Johannes filius Martini comes noster de Doboka nobilis de Mouruch homo noster praedictas possessiones Scenthgothart, Chege, Scenthyuan et Ziluas vocatas reambularet, novas metas in eisdem erigendo, praesentibus commetaneis et vicinis. Qui quidem comes Nicolaus filius Emuch post reambulationem praedictarum [S. 403] possessionum in generali congregatione nostra in festo inventionis sanctae crucis, anno domini M^o C^o C^o C^o XX^mo sexto una cum universis nobilibus et aliis cuiuslibet conditionis hominibus in partibus Transsiluanis existentibus in Torda celebrata, praesentibus eisdem nobilibus exhibuit nobis rescriptum seu literas praedicti capituli in haec verba. (Folgt die Urkunde des Weissenburger Kapitels von 1326 Nr. »445 mit der Urkunde des Woiwoden Thomas von 1326 Nr. »443.) Nos vero qui ex debito officii nostri unum quemquam in suo iure conservare debemus, prout per literas praedicti capituli super reambulatione praedictarum possessionum et super cursibus seu erectionibus metarum earundem possessionum plenius fuimus informati, praedictas metas seu limitationes et erectiones praedictarum possessionum eo modo quo superius expressae sunt et distinctae, una cum praedictis universis nobilibus in eadem congregatione iudicio nobis assidentibus approbamus, acceptamus, ratificamus et praesentis scripti nostri patrocinio confirmamus. Et quia praedicti hospites de Zek, qui per ipsum hominem nostrum contra praefatum comitem Nicolaum sub testimonio praedicti capituli, prout in ipsius capituli literis vidimus contineri, ad nostram praesentiam eo quod praedicto homini nostro a reambulatione et erectione metarum super praedicta particula Zenasay vocata contradixerunt, termino eis assignato videlicet in praedicta congregatione nostra citati non venerunt nec miserunt aliquem pro se comparentem nec super ipsa contradictione aliquam nobis reddiderunt rationem, ideo ipsam contradictionem per eosdem homines de Zek super praedicta reambulatione et metarum erectione factam una cum universis nobilibus in ipsa congregatione nobiscum existentibus frivolam fore decrevimus et inanem. In cuius rei memoriam firmitatemque perpetuam praesentes concessimus literas nostras privilegiales pendentis sigilli nostri munimine roboratas. Datum termino et loco ac anno supra dictis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 402 (1 zu voranstehender Urkunde).^{^}

2) 1331: Ziluas.^{^}