Urkunde Nr. 1832 aus Band IV

Seite im UB:

59-61^a)

Druckvorlage:

nach Original

Abdruck als:

Volltext

Sprache:

Latein

---

1832

Konstanz 1417 November 23 König Sigmund beauftragt Nikolaus, den Woiwoden von Siebenbürgen, mit der Beilegung des Grenzstreites zwischen Salzburg und Stolzenburg.

[S. 60] Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Dalmaciae, Croaciae et cetera rex fideli nostro dilecto magnifico Nicolao de Chaak partium nostrarum Transsiluanarum vaivodae vel ipsius vicevaivodae salutem et gratiam. Coram nostra regia maiestate diligenter expositum exstitit atque narratum tam pro parte honorabilis viri domini Nicolai plebani ecclesiae beatae Mariae virginis de Salisfodio quam totius communitatis oppidi eiusdem, quod quamquam ipsi oppidani de Salisfodio a multis temporibus retroactis et a tanto tempore, cuius contrarium in memoria hominum non existeret, more ipsarum partium nostrarum Transsiluanarum consueto propter status ipsorum commodum et pacem perpetuo duraturam territorium praedicti oppidi nostri certis et evidentibus metis erectis et signis metalibus tenuissent et possedissent undique circumseptum huiusmodique metas legaliter erectas et signa metalia in facie terrae ipsius oppidi nostri haberent etiam de praesenti, nihilominus tamen oppidani nostri de Stolczenburg non contenti de illisquae sua sunt se de terris intra praedictas metas dicti nostri oppidi de Salisfodio adiacentibus ausu temerario ingerendo eisdem potentialiter usi fuissent, machinantes per hoc easdem pro se ipsis vindicando usurpare in praeiudicium iuris ipsorum exponentium non modicam¹⁾ et iacturam. Et quia ex debito regiminis ofticii nostri assumpto, ut politia locum habent et iustitia non supprimatur, non solum pro nostris subditis et coronae dicti nostri regni Hungariae subiectis invigilare²⁾ sed etiam iura nostra regalia indemniter debemus conservare, igitur ne ratione praemissorum maiora scandala et aliorum iurgiorum genera inter ipsos nostros oppidanos queant exoriri, cupientes per vos praemissis poni finem³⁾ decisivum fidelitati vestrae firmiter praecipiendo mandamus, quatenus agnitis praesentium continentiis in uno certo et brevi termino partibus utrisque ad hoc deputando et praefigendo praesente testimonio capituli ecclesiae Transsiluanae, quod per ipsum capitulum ad id serie praesentium transmitti iubemus, ad faciem terrae huiusmodi litigiosae intra praedicta oppida nostra existentis vicinis et commetaneis suis illic legitime⁴⁾ convocatis et praesentibus accedendo metas, si quas praedicta oppida nostra in suis⁵⁾ terris inter se habent erectas, iuxta ambarum partium demonstrationes et legitimas comprobationes ac signa metalia evidentia reambulare et novas iuxta veteres in locis necessariis erigere, si vero talismodi metas legitime erectas et evidentes non repperitis, ⁶⁾ ex tunc assumpto vobis praedictorum vicinorum et [S. 61] commetaneorum sano consilio et informatione partibus utrisque metas reales et evidentes in facie terrae praedictorum oppidorum nostrorum inter se habitae de novo erigi facere et quamlibet partium contradictione earum sibi invicem fienda in hac parte non obstante circa huiusmodi suas metas relictam¹⁾ in eisdem conservare et protegere debentis, ut praemissis iurgiis et odiis de medio ipsorum evulsis praedicti nostri oppidani mutuae caritatis amore inter se amice possint in antea gratulari. Secus non facturi in praemissis, prout maiestati nostrae singulariter cupitis complacere. Seriem etiam omnium praemissorum ut fuerit expediens in vestris et praedicti capituli literis celsitudini nostrae fideliter describi demandamus. Datum Constanciae, in festo beati Clementis martyris et papae, anno domini millesimo quadringentesimo decimo septimo, regnorum nostrorum anno Hungariae et cetera tricesimo primo, Romanorum vero octavo. Ceterum praesentes perlectas reddi iubemus praesentanti.

Unter dem Siegel: Commissio propria domini regis.

Auf der Rückseite von einer Hand des 15. Jahrhunderts: Litera de metis erigendis inter Salisfodium et Stolzenberg.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-6 auf S. 60 und 1 auf S. 61.^{^}
[S. 60]
1) So Vorlage.^{^}
2) Vorlage: inviolare.^{^}
3) Über der Zeile nachgetragen. ^{^}
4) Vorlage: legitimo.^{^}
5) Hierauf nochmals: suis.^{^}
6) Vorlage: reppereritis.^{^}
[S. 61]
1) Vorlage: relicta.^{^}