Urkunde Nr. 1853 aus Band IV

Seite im UB:

86-88 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 29.

Druckvorlage:

nach Original

Abdruck als:

Volltext

Sprache:

Latein

---

1853

Kaschau 1419 Mai 22 König Sigmund fordert den Adel, die Städte und die freien Dörfer Siebenbürgens auf, den Bewohnern der Sieben Stühle bei der Festnahme und Bestrafung von Strassenräubern und Dieben behilflich zu sein.

[S. 87] Von der Kanzlei: Relatio Nicolai de Chak, partium Transsiluanarum vaivodae.

Sigismundus dei gratia Romanorum rex semper augustus ac Hungariae, Dalmaciae, Croaciae et cetera rex fidelibus nostris universis et singulis nobilibus et alterius cuiusvis status et conditionis partium nostrarum Transsiluanarum hominibus, item civilatibus et liberis villis ipsarumque rectoribus, iudicibus et villicis praesentibus et futuris, praesentium notitiam habituris salutem et gratiam. Pro parte universorum fidelium nostrorum Saxonum septem sedium earundem partium Transsiluanarum nostrae datur intelligi gravi cum querela maiestati, quomodo quamplures forent homines in vestris tenutis, possessionibus, officiolatibus ac vestri in medio residentes, nobiles et ignobiles, qui sinistro ducti consilio ipsis et ad ipsos pertinentibus spolia, furticinia et alia maleficorum genera latronum more et furum praedetentiones, mutilationes et interemptiones hominum crebris vicibus commisissent et committerent incessanter, nostri regii culminis in displicentiam scandalumque et periclitationem eorundem Saxonum non modicam. Cumque nos fideles nostri grate et sincere dilecti huiusmodi homines, qui eorum victum et amictum sic improvide et malitiose assuescant acquirere etiam cuiuscumque existant conditionis, matura deliberatione praehabita, per opportuna remedia funditus decreverimus eradicari, igitur fidelitati vestrae universitatis et vestrum cuiuslibet firmissimo nostro regio damus sub edicto, omnino aliter habere nolentes, quatenus habita praesentium notitia a modo et in posterum, dum et quando per eosdem nostros fideles Saxones, homines et familiares eorum aut alterum ipsorum huiusmodi malefactores, fures et latrones in praescriptis vestris tenutis, possessionibus et officiolatibus ac vestri in medio reperiri potuerint vosque superinde requisiti fueritis ex tunc mox et in continenti ampliori nostro mandato superinde nullatenus exspectato eisdem auxilio et subsidio vestris assistendo captivari captosque secundum eorum legitimas comprobationes, quemlibet¹⁾ exigentibus suis demeritis licita poena puniri et condemnari facere debeatis, contradictione vaivodae vel vicevaivodae necnon comitum vestrorum parochialium constitutorum et pro tempore constituendorum penitus non obstante, sub auctoritate et potestate nostrae maiestatis, praesentibus vobis in hac parte attributa mediante. Aliud facere non ausuri. Praesentibus perlectis exhibenti iugiter restitutis. Datum Cassoviae in festo beatae Elenae reginae anno domini M^o CCCC^o XIX^o, regnorum nostrorum anno Hungariae et cetera XXXIII^o, Romanorum vero nono.

Martinus de Bassan.

Unter dem Siegel: Relatio Nicolai de Chak vaivodae.

[S. 88] Auf der Rückseite von einer Hand des 15. Jahrhunderts: contra latrones et fures.

Von einer anderen Hand aus dem Ende des 15. Jahrhunderts¹⁾: Contra malefactores et latrones, ut et nobiles contra tales insurgere teneantur.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 87 und 1 auf S. 88.^{^}
[S. 87]
1) Gebessert von anderer Hand und mit anderer Tinte aus: quomodolibet.^{^}
[S. 88]
1) Nach 1494, vgl. Sächs. Nationalarchiv Hermannstadt D. II, 585.^{^}