Urkunde Nr. 1868 aus Band IV

Seite im UB:

108-109 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1868

Ofen 1419 August 20 König Sigmund befiehlt Heinrich, dem Abt von Kolozsmonostor, die Bewohner von Klausenburg bei der Einhebung des Weinzehnten nicht zu bedrücken.

Von der Kanzlei: Relatio Petri Herich de Brezeuiche magistri tavernicorum regiae maiestatis.

Sigismundus dei gratia Romanorum rex semper augustus ac Hungariae, Dalmaciae, Croaciae et cetera rex fideli nostro devoto dilecto filio venerabili et religioso viro domino Hernico abbati monasterii beatae Mariae virginis de Clusmonstra salutem et gratiam. Exponitur nobis pro parte fidelium nostrorum dilectorum providorum iudicis et iuratorum civium de Cluswar gravi sub querela, quomodo vos decimas vinorum vobis in territorio vestro ex parte ipsorum provenientes nimis graviter rigideque et superflue ab eisdem exigeretis et extorqueri faceretis et signanter tempore vindemii vestros decimatores ad decimanda vina ipsorum de vineis eorundem in territorio vestro provenientia tempestive non transmitteretis iidemque vestri decimalores vina ipsorum recollecta ante montem in tunellis seu vasis eorum sine decimatione per octo aut plures dies, ut exinde aliqua muneralia pro se ipsis usurpari possint facere permitterent, praecipue ipsi decimatores vas octuagenarium pro centenario vel alio simili modo aestimando decimarent³⁾ plurimaque alia damna propter huiusmodi retardationem quae tamen prius de consuetudine et de iure non fecissent⁴⁾ in aliis vineis ipsorum paterentur in eorum praeiudicium et damnum valde magnum. Supplicatum exinde exstitit nostrae claritati pro parte fidelium nostrorum praedictorum quatenus ipsis circa praemissa dignaremur opportune providere. Unde cum nos, qui ex regii regiminis debito commodis et utilitatibus nostrorum fidelium signanter sacrae coronae regiae imme- [S. 109] diate subiectorum vigilantius intendere solemus, praefatos nostros cives et hospites ad huiusmodi abusiva et superflua decimarum exactione aliisque molestiis, damnis, retardationibus et inconsuetis vasorum et tunellarum aestimationibus per vestros indebite ut praefertur eis illatis et irrogandis penitus supportatos habere volumus et quietos, igitur fidelitati vestrae firmiter praecipiendo mandamus regio sub edicto aliud haberi nolentes, quatenus a modo in antea et deinceps praefatas decimas vinorum ex parte ipsorum civium et hospitum nostrorum vobis provenire debentes cum urna seu mensura iusta, tempore et loco debitis, sine aliquali remuneratione et retardatione ab ipsis iuxta ipsorum antiquas consuetudines laudabiles exigendo et exigi faciendo eosdem nostros cives et hospites per huiusmodi superfluam decimarum exactionem et alias quomodolibet indebite per amplius contra praemissas eorum consuetudines antiquas, quibus ipsi ab antiquo usi fuerunt et gavisi, impedire, molestare, aggravare nullatenus praesumatis nec fieri permittatis modo aliquali. Alioquin decernentes committimus per praesentes fideli nostro dilecto magnifico vaivodae partium nostrarum Transsiluanarum vel ipsius vicevaivodae pro tempore existenti, ut ipse vos ad praemissa facienda artius compellat et astringat iure exposcente. Et hoc idem iniungimus futuris abbatibus praedicti monasterii similibus regiis sub praeceptis inviolabiliter observari. Praeterea harum serie committimus praedictis civibus et hospitibus totique communitati praedictae nostrae civitatis Cluswar, ut ipsi vobis aut decimatoribus vestris in praemissis secus facientibus dimissis et relictis ibidem in doleis veris et iustis vinorum ipsorum decimis huiusmodi vina eorum de territorio vestro praedicto liberam et securam deducendi habeant facultatem. Secus igitur facere non ausuri in praemissis modo aliquali. Praesentibus perlectis reddi iubemus praesentanti. Datum Budae, in festo beati Stephani regis, anno domini millesimo quadringentesimo decimo nono, regnorum nostrorum anno Hungariae et cetera XXXIII^o, Romanorum vero nono.

Unter dem Siegel: Relatio Petri Herich de Brezeuiche magistri tavernicorum regiae maiestatis.

Auf der Rückseite von einer Hand des 15. Jahrhunderts: Ut abbas iustas decimas vini tempestive cum remuneratione et debita tunellarum taxatione recipiat.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3-4 auf S. 108 (dortige 1-2 zu voranstehender Urkunde).^{^}

3) Vorlage: decimaret. ^{^}
4) cissent auf Rasur. ^{^}