Urkunde Nr. 1870 aus Band IV

Seite im UB:

111-112

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1870

Ofen 1419 August 24 König Sigmund befiehlt Nikolaus, dem Woiwoden von Siebenbürgen, und dessen Stellvertreter, die Bewohner von Klausenburg in ihren überlieferten Freiheiten zu schützen.

Sigismundus dei gratia Romanorum rex semper augustus ac Hungariae, Dalmaciae, Croaciae et cetera rex fideli nostro magnifico Nicolao de Chaak partium nostrarum Transsiluanarum vaivodae vel ipsius vicevaivodae salutem et gratiam. Exponunt nobis fideles nostri dilecti, providi et circumspecti viri Caspar filius Francisci¹⁾ iudex ac Martinus Keusel et Valentinus pellifex iurati cives nostrae civitatis Cluswar in suis ac universorum civium et hospitum eiusdem nostrae civitatis [nominibus] gravi sub querela, quomodo nonnulli forent nobiles et alterius status dictarum partium²⁾ nostrarum Transsiluanarum homines, qui ipsos contra antiquas eorum libertates diversi modo impedirent, damnificarent indebite et minus iuste in ipsorum praeiudicium et damnum valde magnum. Et quia nos eosdem iudicem, iuratos cives et totam communitatem praedictae nostrae civitatis Cluswar in antiquis eorum libertatibus irrefragabiliter volumus conservare facereque conservari, ideo nos eosdem iudicem, iuratos cives et totam communitatem antedictae civitatis nostrae simul cum cunctis ipsorum rebus et bonis iustis ut puta et legitimis in nostram regiam repipientes protectionem viceque nostrae maiestatis personae vestrae tuitioni committentes, fidelitati vestrae firmiter praecipiendo mandamus, quatenus memoratos iudicem, iuratos cives et totam communitatem [S. 112] praescriptae civitatis nostrae in antiquis eorum libertatibus illaesos conservare et per quoslibet alios conservari facere una cum praetactis eorum rebus et bonis quibusvis iustis ut praefertur et legitimis contra quoslibet illegilimas impetitores et ipsos sine iuris tramite inquietare volentes protegere, tueri, defensare et indemniter manutenere debeatis nostrae maiestatis in persona et iustitia mediante. Secus facere non ausuri in praemissis gratiae nostrae sub obtentu. Praesentesque perlectas semper reddi iubemus praesentanti. Datum Budae, in festo beati Bartholomei apostoli, anno domini millesimo CCCC^mo decimo nono, regnorum nostrorum anno Hungariae et cetera ХХХПI^o, Romanorum vero nono.


1) Vorlage: Farncisci.^{^}
2) Über der Zeile nachgetragen. ^{^}