Urkunde Nr. 1876 aus Band IV

Seite im UB:

119-120 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.).

Druckvorlage:

nach Original

Abdruck als:

Volltext

Sprache:

Latein

---

1876

Ofen 1419 Dezember 27 König Sigmund befiehlt allen Zollinhabern des Reiches, von den Bewohnern des Bistritzer Distrikts auf der Fahrt zum König und zurück keinerlei Abgaben zu erheben.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris universis et singulis praelatis, baronibus, comitibus, castellanis, nobilibus ceterisque [cuiusvis] status possessionatis hominibus tributa ubivis intra regni nostri ambitum habentibus, tenentibus et possidentibus ipsorumque tributariis praesentibus videlicet et futuris praesentium notitiam habituris salulem et gratiam. Venientes in nostrae maiestatis praesentiam fideles nostri providi viri Andreas iudex et Mathias dictus²⁾ de Lewehe ac Nicolaus Neunmester iurati civitatis nostrae Biztriciensis partium nostrarum Transsiluanarum, [item] Anthonius comes et Laurencius Selk de magno Demetrio, nuncii civitatis praedictae et provinciae ac pertinentiarum eiusdem, suis³⁾ et omnium civium, hospitum, habitatorum ac incolarum civitatis praedictae et omnium suarum pertinentiarum nominibus et in personis nostrae maiestati exposuerunt gravi sub querela. quod dum ipsi vel aliqui ex eis ipsorumque nuncii pro eorum negotiis promovendis et excipiendis aut necessitatibus exponendis nullis mercibus onerati ad nostram veni- [S. 120]rent maiestatem et ab ea ad propria reverterentur, tunc vos tributum super eos irremissibiliter exigeretis et extorqueri faceretis, diversas insuper calumnias eis pro[pterea] imponeretis, ut nedum huiusmodi tributum verum etiam ultra tributum diversas pecuniarum summas ab eis pactative [extor]queri possetis in contemptum nostri generalis decreti ex deliberatione praelatorum, baronum regnique nostri procerum exinde editi laudabilisque regni nostri consuetudinis ab antiquo observatae praeiudicium ac dictorum civium, hospitum et habitatorum de dicta Biztricia ac suarum perti nentiarum damnum, praeiudicium et gravamen. Cumque decretum nostrum universa in sui roboris firmitate volumus permanere idemque et laudabilem consuetudinem regni nostri circa tributorum exactionem observata nullatenus volumus per quempiam immutari, infringi seu variari, ideo vestrae et cuiuslibet vestrum fidelitati firmissimo nostro regio sub edicto praecipimus et omnino volentes mandamus, quatenus a praedictis civibus, hospitibus, populis, incolis et habitatoribus praenotatae civitatis nostrae Biztriciensis et suarum omnium pertinentiarum equitibus videlicet et peditibus ad nostram maiestatem quacumque de causa et quotiescumque venientibus et ab ea ad propria redeuntibus nullum tributum nullamque tributariam vel aliam quamcumque sub nomine tributi solutionem petere, recipere et exigere pelique, recipi et exigi facere aliquatenus praesumatis nec sitis ausi modo aliquali, permittentes eos et eorum quemlibet semper et dum opportuerit de locis tributorum vestrorum libere, pacifice et quiete absque damno, relaxatione, molestia, impedimente et solutione aliquali recedere et abire salvis rebus et bonis eorum omnibus ac personis. Alioquin commisimus et praesentium serie firmiter committimus comiti vel vicecomiti illius comitatus, in quo super eosdem cives, hospites, populos, incolas et habitatores de dicta Biztricia et suis pertinentiis tributum exigi contigerit et extorqueri, ut ipsi habita super exactione dicti tributi plena et omnimoda certitudinis veritate tributum huiusmodi, in quo ipsa tributaria solutio ab eis vel eorum altero exacta fuerit et recepta, nomine nostro regio occupare et tamdiu occupatum debeant et teneantur¹⁾ servare et possidere, donec a nostra maiestate aliud habuerint²⁾ in mandatis. Praesentes autem sigillo nostro maiori, quo ut rex Hungariae utimur, fecimus consignari. Quas perlectas reddite praesentanti. Datum Budae, in festo beati Johannis apostoli et evangelistae, anno domini millesimo quadringentesimo decimo nono. regnorum nostrorum anno Hungariae et cetera tricesimo tertio, Romanorum vero decimo.

Unter dem Siegel: Commissio propria domini regis.

Auf der Rückseite von einer Hand des 15. Jahrhunderts: Item de ambasiatoribus regalibus non exigitur tributum. [S. 121]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-3 auf S. 119 (1 zu voranstehender Urkunde), 1-2 auf S. 120.^{^}
[S. 119]
2) Vorlage: dicti.^{^}
3) Vorlage: suo.^{^}

[S. 120] <fnzt>1) Vorlage: debeat et teneatur.^{1)'>^} <fnzt>(2) Vorlage: habuerit. ^{^}