Urkunde Nr. 1879 aus Band IV

Seite im UB:

122-123 ^a)

Heute in:

Kronstadt, Archiv der Honterusgemeinde

Heutige Signatur:

IV E (Honterusgemeinde, Urkunden), Nr. 130.

Druckvorlage:

nach Original

Abdruck als:

Volltext

Sprache:

Latein

---

1879

Breslau 1420 März 31 König Sigmund beauftragt Nikolaus, den Woiwoden von Siebenbürgen, und Michael, den Comes der Sekler, mit der Entscheidung des Grenz- und Abgabenstreites zwischen den Bewohnern von Marienburg und den Bewohnern von Rotbach und Heldsdorf.

Von der Kanzlei: Relatio domini Benedicti
praepositi ecclesiae Albensis.¹⁾

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris magnificis Nicolao de Chaak vaivodae et Michaeli filio Salomonis de Nadasd comiti Siculorum partium nostrarum Transsiluanarum salutem et gratiam. Cum nos causas seu causam inter fideles nostros cives et hospites oppidi nostri Ffeldwar appellati ab una nec non populos et iobagiones villarum nostrarum Weresmarth et Hevlthewen²⁾ vocatarum ab alia partibus praetextu quarundam terrarum litigiosarum nec non censuum agrorum motam et vertentem in aliis literis nostris pristinis clare expressatas, quas sicuti percepimus hucusque reliquistis indecisas, per vos eo, quod aliis nostris negotiis arduis praeoccupati³⁾ decisioni earundem intendere⁴⁾ nequimus, fine debito et decisivo velimus sicuti etiam per praedictas alias literas nostras vobis commiseramus terminari. Igitur fidelitati vestrae firmiter praecipiendo mandamus, quatenus habita praesentium notitia partibusque praedictis simul cum universis iuribus et literalibus instrumentis, si⁵⁾ quae super factis praemissis habent aliisque documentis vestri in praesentiam ad unum cer- [S. 123] tum et brevem terminum per vos ad hoc praefigendum convocatis et accessitis, auditis etiam partium propositionibus, responsionibus et replicationibus pro et contra hincinde super principali negotio nec non iniuriis et damnis partibus ipsis aut alteri partium ab initio pendentiae litis huiusmodi super praemissis per quoscumque illatis, quas etiam simul cum praemissis causis vobis diffinitive¹⁾ committimus, ac praemissis iuribus et literalibus instrumentis, quae per partes utrasque tunc in iudicio produci volumus et nullatenus per vos aut alterum vestrum retineri cum iudex instrumenta literalia partis auferens reddat et ostendat se suspectum, huiusmodi causam seu causas in praescripto termino partibus peremptorie praefigendo iusto iuris tramite iudicare, recognoscere ac fine debito seu decisivo terminare debeatis. Si qua vero partium de huiusmodi vestro iudicio et diffinitione iudiciaria noluerit contentari, ex tunc ipsam causam seu causas cum serie totius suae adiudicationis et processibus ac universis literalibus instrumentis partium, quae ipsis integraliter et absque omni diminutione restitui volumus, in curiam nostram regiam nostrae²⁾ praelatorumque et baronum nostrorum diffinitioni et discussioni Budae fiendae non obstante nostra absentia personali absque omni gravamine transmittatis partibus coram iudicibus et iustitiariis in dicta curia nostra tunc Budae iudicaturis terminum praefigentem similiter peremptorie et absque omni ulteriori dilatione congruentem. Volumus etiam et serie praesentium committimus praefatis iudicibus et iustitiariis in ipsa curia nostra constitutis, quod non obstante³⁾ contumacia vel negligentia aut non venientia alterius partium praedictarum causa in praemissa usque ad finalem eius decisionem procedere debeant et teneantur prout iuri videbitur expedire. Secus facere non ausuri in praemissis gratiae nostrae sub obtentu Praesentes etiam perlectas semper reddi iubemus praesentanti. Datum Wratislauiae in dominica Ramispalmarum, anno domini М^mo CCCC^o XX^mo, regnorum nostrorum anno Hungariae et cetera XXXIIII^o, Romanorum vero decimo.

Unter dem Siegel: [Relatio domini Benedicti praepositi ecclesiae] Albensis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-5 auf S. 122, 1-3 auf S. 123.^{^}
[S. 122]
1) Im zweiten Original in einer Zeile geschrieben. ^{^}
2) Zweites Original: Holthewen.^{^}
3) m am Schluss durch Unterpunktierung getilgt. ^{^}
4) Zweites Original: netendere.^{^}
5) Zweites Original: sit.^{^}
[S. 123]
1) Vorlage: diffinire.^{^}
2) rae auf Rasur.^{^}
3) In dem zweiten Original fehlt dieser Teil von dem Beginn des Satzes an, so dass contumacia unmittelbar hinter congruentem folgt.^{^}