Urkunde Nr. 1885 aus Band IV

Seite im UB:

129-130

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

1885

Tschaslau 1420 November 27 König Sigmund befiehlt den Gemeinden Weidenbach, Petersberg, Honigberg und Brenndorf, die Kronstädter bei der Befestigung der Stadt durch Zufuhrleislungen zu unterstützen.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae, Bohemiae, Dalmaciae, Croaciae et cetera rex fidelibus nostris dilectis iudici, iuratis civibus totique communitati nostrae civi- [S. 130] tatis Brassouiensis salutem et gratiam. Legationem vestram per fidelem nostrum providum et circumspectum Symonem vestrum concivem prudenter et legaliter expositam sano collegimus intellectu. Ipsius itaque nostrae civitatis imminentibus adversitatibus animadversis et in nostri cordis animatio,¹⁾ digne consideratis fidelitati vestrae firmissime praecipiendo mandamus, quatenus vigiliis nocturnis et aliis fulcimentis, quae ad commodum et conservationem ipsius nostrae civitatis requiruntur, totis vestris nisibus intendentes et insistentes dictam nostram civitatem circumcirca munitionibus et fulcimentis in turribus et aliis locis necessariis quanto melius poteritis firmare et praemunire debeatis atque custodire, et in ea cum vestris liberis et aliis rebus et bonis salvi remanentes nobis et sacrae coronae ipsius regni nostri Hungariae queatis famulari. Committimus etenim serie praesentium populis et hospitibus in quatuor villis nostris regalibus Wydenbach, Petersberg, Honychperg et Bothfalua vocatis commorantibus, ut ipsi ad ducendum lapides et ligna et alia consimilia vobis auxilium praestent et subsidium, habeantque ad eandem nostram civitatem necessitatis tempore refugium speciale. Quod si facere non curarent, extunc eadem ad ducendos praedictos lapides et ligna per fidelem nostrum dilectum magnificum Michaelem de Nadasd Siculorum nostrorum comitem cum gravaminibus eorum opportunis arctius compelli mandamus praesentibus et astringi. Secus igitur non facturi gratiae nostrae sub obtentu. Datum in nostra civitate Chaslouia in praedicto regno nostro Bohemiae, feria quarta proxima post festum beatae Katherinae virginis et martyris, anno domini M^o CCCCXX^mo, regnorum nostrorum anno Hungariae et cetera XXXIIII^to , Romanorum XI^mo et Bohemiae primo.

Unter dem Siegel Kanzleibemerkung.

Auf der Rückseite von gleichzeitiger Hand: Litera ut iurati debitae conspiciant civitati²⁾ et ut quatuor villae civitati sint subiugatae.


1) Vorlage: aniaco.^{^}
2) Von späterer Hand gebessert in: civitatemque muniant.^{^}